Червенский районный исполнительный комитет

15 мая 2017 года, накануне дня пионерской дружбы, состоялся XVIII районный пионерский слет, посвященный 95-летию пионерского движения

Проблема детского дорожно-транспортного травматизма на сегодняшний день остается актуальной

Аб тым, якое становішча на дрэваапрацоўчым камбінаце, распавядае эканаміст прадпрыемства Дзмітрый Канапелька

Этот праздник объединяет профессиональных спортсменов и тренеров, любителей активного образа жизни и тех, кто болеет за успехи наших атлетов

Спартакіяда працоўных калектываў раёна прайшла ў суботу на базе фізкультурна-аздараўленчага комплексу Чэрвеньскай СДЮШАР і СШ №4

Пытанні летняга пашавага ўтрымання буйной рагатай жывёлы разгледжаны ў суботу на раённым семінары-вучобе з удзелам кіраўнікоў гаспадарак і спецыялістаў зоаветэрынарнай службы, які адбыўся ў
сельгаспрадпрыемстве “Ганута-Агра”

В целях развития у учащихся читательских компетенций, читательской грамотности, распространения эффективного
педагогического опыта в данном направлении на основании приказа начальника отдела образования, спорта и туризма от 28 марта 2017 года № 272 в период с 10 по 22 апреля в учреждениях образования района проводилась Декада активного чтения

Во второй раз в г. Червене прошел фестиваль православной культуры «Пасхальный перезвон»

У нядзелю чэрвеньскі “Колас” выязным матчам з мар’інагорскай “Зоркай-Вікторыяй” завяршыў падрыхтоўку да чэмпіянату Мінскай вобласці па футболу.

Састаў нашай каманды не нашмат адрозніваўся ад таго, які гуляў з гэтым жа сапернікам два тыдні таму і перамог з лікам 3:1. Па розных прычынах у Мар’іну Горку не паехала большасць ігракоў мінулагодняй “асновы”. Таму зноў у бой пайшлі пераважна сёлетнія навабранцы “Коласа” і футбалісты, якія летась мелі няшмат гульнявай практыкі.
Са стартавым свістком на газон галоўнага стадыёна суседняга з Чэрвенем райцэнтра выйшлі Арцём Аўраменка, Юрый Весялоў, Віталь Палтаржыцкі, Мікалай Васільеў, Эрык Аруцюнян, Аляксей Лявонцьеў, Ілья Прытыка, Сцяпан Сметанюк, Анатоль Шафераў, Міхаіл Бельскі і Захар Каражан. У пачатку і сярэдзіне першага тайма, не стварыўшы нічога больш-менш падобнага на пагрозу варотам саперніка, чэрвеньцы ўмудрыліся двойчы прапусціць з-за ўласных памылак. Таму неўзабаве трэнер “Коласа” Сяргей Прыступа пачаў выпускаць на поле новых ігракоў: спачатку Ілью Нехая, а потым Захара Каражана. Наперадзе па-ранейшаму мала што атрымлівалася, але да перапынку больш не прапусцілі.
У другім тайме ў барацьбе за мяч атрымаў траўму галкіпер чэрвеньцаў Арцём Аўраменка. Гэтак жа, як і ў мінулым матчы, давялося “пазычаць” у гаспадароў поля Васіля Далідовіча. Але і ён неўзабаве мусіў двойчы вымаць мяч з сеткі.
Пры ліку 0:4 нашы, нарэшце, страпянуліся. І правялі апошнія дваццаць хвілін гульні, можна сказаць, на “выдатна”. Спачатку свой першы гол за “Колас” забіў юны дэбютант Захар Каражан, затым пасля навесу з вуглавога мяч галавой скіраваў у сетку Віталь Палтаржыцкі, а незадоўга да фінальнага свістка вызначыўся Анатоль Шафераў.
Паражэнне 1:3 наўрад ці вартае засмучэння. Гэта была ўсяго толькі таварыская гульня, якая найперш дала магчымасць абкатаць моладзь і ацаніць магчымасці ігракоў, які былі на праглядзе ў камандзе. Галоўныя ж падзеі футбольнага сезона – наперадзе.
Гэтымі днямі фарміруецца заявачны састаў “Коласа” на ўдзел у чэмпіянаце вобласці. А ўжо ў нядзелю, 21 мая, наша каманда правядзе на сваім полі першы матч гэтых спаборніцтваў. Сапернік – “ДЮСШ-2” (Барысаў). Пачатак гульні – у 14 гадзін. Прыходзьце на стадыён!

Ігар АДАМОВІЧ. Фота аўтара