Гэты год не стаў выключэннем. Напярэдадні свята старшыня грамадскай арганізацыі Марына Патапенка завітала ў сярэднюю школу №2 імя А.К.Флегантава г.Чэрвеня, каб павіншаваць са святам і ўручыць салодкі падарунак вучню 9 “А” класа Паўлу Рудакову – пераможцу абласнога і рэспубліканскага конкурсаў творчых работ “Мае землякі – мой гонар” (на здымку), які праходзіў у рамках рэспубліканскай акцыі навучэнскай моладзі “Жыву ў Беларусі і тым ганаруся”. На конкурс Павел прадставіў работу аб нашым земляку – касманаўту Алегу Навіцкім. Вучню пашчасціла нават пагутарыць па тэлефоне з касманаўтам, калі той быў на арбіце.
Марына Патапенка завітала таксама на ёлку ў Чэрвеньскі дзіцячы дом-інтэрнат павіншаваць дзяцей са святам, прывезла ім салодкія падарункі. Акрамя таго, за выдзеленыя арганізацыяй “Белая Русь” грашовыя сродкі ў дзіцячым доме набылі гірлянды і іншыя ўпрыгожванні для ранішніка.
Не засталіся без падарункаў і маладыя спецыялісты, якія прыехалі працаваць сёлета ў цэнтральную раённую бібліятэку і паспелі станоўча зарэкамендаваць сябе. Яны атрымалі святочныя наборы цукерак ад раённай арганізацыі грамадскага аб’яднання “Белая Русь”.
Таццяна МАРЦЬЯНАВА
Фота Таццяны Марцьянавай, Галіны Гамеза
Карта сайта