З гэтай нагоды павіншаваць яго завіталі старшыня Чэрвеньскага раённага Савета ветэранаў вайны і працы Іван Ладуцька, старшыня Калодзежскага сельвыканкама Людміла Пасудзеўская, а таксама члены выбарчай камісіі.
Нарадзіўся Іван Сямёнавіч у Стаўрапальскім крае. На фронт трапіў ў 1943 годзе. Ваяваў на першым Беларускім фронце. З баямі прайшоў усю Польшчу. Фарсіраваў Одэр. Быў цяжка паранены, шмат лячыўся па шпіталях.
Узнагароджаны ордэнам Айчыннай вайны І ступені, медалём “За двагу”, медалём Жукава. Мае знак “Ветэран вайны” і шматлікія юбілейныя медалі.
Пасля вайны застаўся ў Чэрвеньскім раёне, тут ажаніўся. Больш трыццаці гадоў адпрацаваў рабочым ў леспрамгасе. Пасля пенсіі яшчэ працаваў рабочым у эксперыментальнай базе “Натальеўск”.
Добрасумленная мірная праца ветэрана вайны таксама не засталася па-за ўвагай. Узнагароджаны медалём “За трудовое отличие”, медалём “Ветеран труда”, у 1968 годзе яму прысвоена званне і ўручаны знак “Почётный мастер заготовок леса и лесосплава”, быў пераможцам сацыялістычнага спаборніцтва.
У дзень юбілею віншавалі Івана Сямёнавіча таксама дзеці, унукі і праўнукі.
Таццяна МАРЦЬЯНАВА.Фота аўтара
Карта сайта