-Галасаваць тут могуць жыхары Чэрвеньскага, Бярэзінскага, Крупскага раёна, якія на дзень выбараў 11 верасня ў выніку жыццёвых абставін альбо па стану здароўя апынуліся ў Чэрвеньскай бальніцы, — гаворыць старшыня камісіі, галоўны урач Андрэй Прахарэнка. — На раніцу 11 верасня такіх у спіску атрымалася 55 чалавек. Адзін – жыхар Беразіно.
Ужо ў восем гадзін раніцы (нават у выхадны дзень жыццё ў бальніцы пачынаецца рана) на выбарчы участак прыйшлі пацыенты. Члены камісіі даюць неабходныя тлумачэнні і выдаюць выбарчыя бюлетэні.
Анастасія Канапака з Чэрвеня не планавала дзень выбараў сустрэць у бальніцы, але жыццё ўносіць свае карэктывы ў нашы планы.
-Трапіла ў бальніцу 6 верасня. Дапамогу аказалі хутка і якасна, — кажа Анастасія. — Добра, што ёсць магчымасць, калі знаходзішся нават у бальніцы, быць разам з краінай у такі адказны дзень.
Галіна ГАМЕЗА. Фота аўтара.
Карта сайта