Прыгожая, уся ў кветках і зелені, школьная тэрыторыя сустракала гасцей. На свята сабралася ўся вёска, прыехалі жыхары з суседніх вёсак, дзеці, ўнукі, праўнукі, родныя і сябры жыхароў аграгарадка.
Пачас свята ўшанавалі самых старэйшых жыхароў вёскі. Гэта ветэран Вялікай Айчыннай вайны Казімір Вяржбіцкі, якому споўнілася 92 гады, Софья Расолька, ёй 91 год, Рэгіна Бабіч і Ніна Плячэнка, ім па 87 гадоў, Леанід Халадзінскі, яму 86 гадоў. Усе ветэраны атрымалі падарункі і кветкі.
Дружнымі апладысментамі сустракалі самую маленькую жыхарку аграгарадка ляды - Волечку Бабіч. Ёй споўніўся толькі месяц. Падарунак атрымала яе мама – Кацярына.
Не засталіся без увагі шматдзетныя маці: ордэнаносная Ванда Марціновіч, якая нарадзіла і выгадавала пяцёра дзяцей. Сям’я Бурых - Аляксея і Ілоны – прызнана лепшай. У ёй гадуецца трое дзяцей.
Людзі ішлі на свята з пачастункамі. Арганізавалі прыгожыя сталы са смачнымі стравамі, якімі ўдзельнікі свята маглі паласавацца.
Працаваў гандаль, дзіцячыя атракцыёны. Вучні Лядзенскай школы прапаноўвалі ўдзельнікам свята беспройгрышнае лато, ганлявалі сваімі вырабамі з дрэва.
Парадаваў прысутных вялікі канцэрт з удзелам самадзейных артыстаў: вакальнай групы “Квецень”, трыа з Шасціснопскага Дома культуры, сямейнага дуэта Валерыі і Ігара Гарашчук, Надзеі Чарніцкай, вучаніцы Лядзенскай школы Ганны Біруля, танцавальнага калектыву “Купалінка” і самадзейных артыстаў – гасцей свята з г.Беразіно.
Таццяна МАРЦЬЯНАВА.
Фота Марыны ПАТАПЕНКА
Карта сайта