Нагадаем, што напачатку года Каардынацыйны Савет Праекта ЕС-ПРААН зацвердзіў 30 пілотных раёнаў для ўдзелу ў рэалізацыі мерапрыемстваў па ўкараненню тэрытарыяльна-арыентаванага падыходу і правядзення Асноўнага конкурсу мясцовых ініцыятыў. Наш раён “прабіўся” ў лік гэтых раёнаў Беларусі. Акрамя нас, з Мінскай вобласці ў спіс трапілі таксама Вілейскі, Мінскі, Валожынскі і Клецкі раёны.
Падобныя праекты нясуць вялікую карысць для раёна, таму што накіраваны на развіццё малых гарадоў, сельскіх тэрыторый, актывізуюць дзейнасць мясцовай улады, грамадскасці і асобных грамадзян. Праект – гэта не толькі рэалізацыя неабходных раёну ідэй, гэта яшчэ і добры задзел прыцягнуць сродкі ў раён у будучым.
Як адзначыла старшыня ініцыятыўнай групы Ала Шахоцька, якая праводзіла пасяджэнне, фінансавыя сродкі на рэалізыцыю мясцовых ініцыятыў прадастаўляюцца ЕС з бюджэту Праекта ў рамках міжнароднай тэхнічнай дапамогі. Агульны аб’ем фінансавання для нашага раёна склаў 53 тысячы 920 доллараў ЗША, а сума адной мясцовай ініцыятывы (аднаго праекта) не павінна будзе перавысіць 28 тысяч долараў. Адной з умоў фінансавання з”яўляецца таксама і тое, што арганізацыя, якая выступіла з ініцыятывай, павінна забяспечыць сафінансаванне ў памеры 10 працэнтаў ад агульнага кошту свайго праекта.
Члены ініцыятыўнай групы абмеркавалі і зацвердзілі таксама Палажэнне аб конкурсе і склад конкурснай камісіі, у якую ўвайшлі адзін прадстаўнік раённага выканаўчага камітэта, рэгіянальны каардынатар па Мінскай вобласці Аляксандр Шаўчук і тры кіраўнікі арганізацый нашага раёна.
Таксама падчас пасяжэння былі вызначаны прыярытэты развіцця раёна, якія могуць з”явіцца накірункамі для атрымання заяў на конкурс і атрымання фінансавай падтрымкі. Так, прапаноўваліся праекты па рэканструкцыі помнікаў гісторыі і культуры, адраджэнню традыцый, стварэнню ўмоў для развіцця школьнікаў і дзяцей дашкольнага ўзросту, добраўпарадкаванню дзіцячых пляцовак, павышэнню якасці медыцынскіх паслуг за кошт набыцця спецыяльнага абсталявання.
Падрабязнасці аб конкурсе мясцовых ініцыятыў, Палажэнне аб парадку яго правядзення і форма конкурснай заявы будуць размешчаны на сайце райвыканкама.
Карта сайта