Як распавёў “Раённаму весніку” вядучы інжынер чэрвеньскага аўтапарка №20 Мікалай Сцяпанаў, ідэя яго ўстаноўкі належыць старшыні райвыканкама Андрэю Зубару, які ўбачыў гэтую машыну на адным з падворкаў у вёсцы Пальчык. Гаспадар рарытэтнага аўто Сяргей Несцярэнка пагадзіўся бязвыплатна перадаць яго аўтатранспартнай арганізацыі.
Рэстаўрацыяй “Масквіча”, якая сярод іншага ўключала ў сябе зварачныя работы, шпаклёўку, грунтоўку і афарбоўку, займаліся работнікі кузаўнога цэха аўтапарка – газаэлектразваршчык Віктар Грыцкевіч і бляхар Мікалай Баркун, а таксама вадзіцель аўтобуса Віталь Маковіч.
Паводле слоў Мікалая Сцяпанава, у перспектыве на тэрыторыі вакзала плануецца ўстанавіць яшчэ адзін рэтрааўтамабіль – “ГАЗ-21 “Волга”. Гэтую мадэль, як і “Масквіч-401”, выкарыстоўвалі ў чэрвеньскім аўтапарку ў другой палове мінулага стагоддзя.
Ігар АДАМОВІЧ.
Фота аўтара
Карта сайта