Гэта своеасаблівае пасвячэнне ў прафесію, і ўдзельнічалі ў ім групы першага курса — №3, №183, №184. Рыхтавалі першакурснікаў куратары і майстры вытворчага навучання.
Выступленні адпавядалі тэматыцы і складаліся з трох конкурсаў: «А вось і мы», «Нам песня будаваць і жыць дапамагае», «Усім прафесіям наша палымянае прывітанне». У кожным першакурснікі прэзентавалі сваю групу ў арыгінальнай форме. Журы, у склад якога ўваходзілі дырэктар ліцэя Сяргей Шамрук, метадыст Алена Сінькевіч, бібліятэкар Ларыса Васюковіч, юрысконсульт Марына Кацнельсон, і я, педагог сацыяльны, Вольга Тэбікава, ацэньвалі выступленні па дзесяцібальнай шкале.
Па выніках трох конкурсаў група №3 аказалася самай творчай і найбольш падрыхтаванай. Яна заняла першае месца ў зорным марафоне. Не засталіся без увагі і іншыя канкурсанты. Іх творчасць была адзначана салодкімі прызамі.
Вольга ТЭБІКАВА, педагог сацыяльны Чэрвеньскага прафесійнага будаўнічага ліцэя.
Фота Марыны КАЦНЕЛЬСОН, юрысконсульта Чэрвеньскага прафесійнага будаўнічага ліцэя.
Карта сайта