На гэтым тыдні яны завяршылі рэстаўрацыю фасада будынка друкарні. Пасля падрыхтоўчых работ, выкананых мужчынамі, за справу ўзяліся маляры-тынкоўшчыкі Ганна Алейнік, Ірына Вяргейчык (на здымку) і Таццяна Кацько. Стаж працы кожнай з іх у гэтай будаўнічай арганізацыі вымяраецца не адным дзесяцігоддзем. Напрыклад, Ганна Сяргееўна шчыруе тут ужо амаль сорак гадоў. За гэты час разам з калегамі ўдзельнічала ў будаўніцтве самых розных аб’ектаў: жывёлагадоўчых фермаў гаспадарак раёна, школ, жылых дамоў у аграгарадках, фізкультурна-аздараўленчага комплексу, новых шматпавярховікаў у мікрараёне вуліцы Барыкіна.
– Без кельмы, пэндзля ў руках ўжо і не ўяўляю сабе жыцця, – кажа яна. – Прыемна ўсведамляць, што зробленае табою будзе служыць не толькі сучаснікам, але і нашчадкам.
Ігар АДАМОВІЧ.
Фота аўтара
Карта сайта