Лаўрэатамі прэміі «Чалавек года Міншчыны» сталі 28 чалавек. Заслужаныя ўзнагароды ім уручылі старшыня Мінаблвыканкама Анатоль Ісачанка і памочнік Прэзідэнта — інспектар па Мінскай вобласці Ігар Яўсееў.
Выступаючы перад прысутнымі, старшыня Мінскага аблвыканкама сказаў:
— Наш час — час здзяйсненняў, час годных спраў. І сёння Мінская вобласць — гэта высокія тэхналогіі, інавацыі і інвестыцыі, цэнтр прамысловасці і культуры, развітая сельская гаспадарка. Але галоўнае яе багацце – гэта людзі, жыхары рэгіёна, якія кожны дзень сваёй працай, талентам і творчасцю, укладваючы сэрца і душу, робяць сваю зямлю прыгажэйшай, ярчэйшай, багацейшай і больш паспяховай… Ва ўладальнікаў ганаровага звання «Чалавек года Міншчыны» – розныя прафесіі, розны ўзрост, напэўна, яны па-рознаму глядзяць на многія рэчы. Але ёсць адно агульнае – гэта любоў да сваёй справы, да малой радзімы, Мінскай вобласці, Беларусі.
Ганаровае званне прысвойвалася ў пяці намінацыях. Пасля цырымоніі ўзнагароджання адбыўся вялікі святочны канцэрт.
Сняжана КАЎГАРЭНЯ.
Фота аўтара
Карта сайта