На працягу двух тыдняў дзеці разам з выхавальнікам Т.Сядовай чыталі казкі А.С.Пушкіна, малявалі да іх ілюстрацыі, а потым зрабілі выставу сваёй творчасці. На занятку бібліятэкар А.Церашонак знаёміла з кнігамі А.С.Пушкіна, якія ёсць у бібліятэцы, расказвала пра жыццё і творчасць класіка, зачытвала ўрыўкі з казкі.
Дзецям была прапанавана музыка з опер М. А. Рымскага-Корсакава “Садко” і “Казка пра цара Салтана”: “Акіян – мора сіняе”, “Тры цуды”, “Палёт чмяля”. Дзеці выказвалі свае думкі, пачуцці, выкліканыя музыкай, расказвалі пра музычныя інструменты, выкарыстаныя аркестрам. На працягу занятка дзеці разглядалі партрэты А.С.Пушкіна, М. А. Рымскага-Корсакава, М.А.Врубеля і выказвалі свае ўяўленні пра чалавека з партрэта.
Напрыканцы была прапанавана віктарына, на пытанні якой хлопчыкі і дзяўчынкі адказвалі з задавальненнем.
Вось так мы стараемся далучаць пачаткоўцаў да мастацтва і паэзіі.
А.Церашонак, бібліятэкар ДУА “Гімназія №1 імя У.А.Караля г. Чэрвеня”
Карта сайта