На першым этапе яны вызначалі мацнейшых у групах. Пераможцамі групы “А” сталі валейбалісты СШ №4, якія з аднолькавым лікам 2:0 перайгралі каманды “Новыя Зелянкі-2” і “Тайменс” (Мінск). Мінчане, дзякуючы перамозе над новазелянкоўцамі ў дзвюх партыях, сталі другімі.
У групе “Б”, абыграўшы сапернікаў з Чэрвенскага лясгаса і СШ №1 г.п. Смілавічы (2:0, 2:0), першае месца заняла каманда “Новыя Зелянкі-1”. Права прадоўжыць барацьбу за медалі тут таксама атрымалі валейбалісты лясгаса, якія з лікам 2:0 узялі верх над смілаўчанамі. Праўда, у матчы за трэцяе месца яны ў дзвюх партыях саступілі мінскаму “Тайменсу”.
Фінальная сустрэча паміж камандамі СШ №4 і “Новыя Зелянкі-1” прайшла ў вострай барацьбе. З лікам 2:1 выйгралі новазелянкоўцы (на здымку). Дыпломы і медалі пераможцам і прызёрам спаборніцтваў, а таксама прыз лепшаму іграку турніру Сяргею Дамброўскаму з каманды “Новыя Зелянкі-1” уручыў старшыня раённай арганізацыі Беларускага Саюза ветэранаў вайны ў Афганістане Віктар Казачонак (на здымку).
Сяргей ПРЫСТУПА, інструктар-метадыст раённага фізкультурна-спартыўнага клуба. Фота Марыі ЯРОМКІНА
Карта сайта