Быў вялікі выбар расады кветкавых раслін: за адзін сартавы касач прасілі 6 рублёў, за адну гацанію – 3 рублі, хосты каштавалі ад 3 да 7 рублёў, ружы (з штукі) – 10 рублёў, хрызантэмы маленькія – 1 рубель, петуніі – 1 рубель 20 капеек – 1 рубель – 50 капеек за расліну.
Не першы год гандлююць на чэрвеньскім рынку столінскія прадпрымальнікі. Ля іх прылаўка сабралася чарга. За памідоры яны прасілі па 4 рублі за кілаграм, за агуркі і капусту – па 2 рублі.
Гандлявалі і свежымі трускалкамі. Кілаграм іх каштаваў 8 рублёў. Мёд можна было набыць за 7 рублёў за паўлітровы слоік, яйкі – па 2 рублі 50 капеек за дзясятак. Пучок зялёнай цыбулі каштаваў 1 рубель.
Аматары малочнай прадукцыі размятаюць яе амаль за паўгадзіны. Цана на яе была такая: смятана – 3 рублі 50 капеек (паўлітровы слоік), сметанковае масла -15 рублёў, тварог – 8 (за кілаграм).
Кошт мяса на рынку амаль такі ж, як і ў еўраопце. Свініна каштавала (у залежнасці ад гатунку): шыя – 11-12 рублёў за кілаграм, філе 12-14, паджарка – 9 – 11, сала – 8 – 11 рублёў за кілаграм.
У выхадныя можна было набыць камплект пасцельнай бялізны па наступнай цане: двуспальны – за 47 рублёў, палутарны – за 39 рублёў 50 капеек. Прапаноўвалі і танные мужчынскія шкарпэткі: ад 80 капеек за пару.
З цэнамі знаёмілася Таццяна МАРЦЬЯНАВА. Фота аўтара
Карта сайта