Ніводны прахожы не застаецца раўнадушным – міжволі прыпыняецца, каб палюбавацца на гэтую прыгажосць.
На падворку — некалькі відаў вярбы, хвойныя расліны: розныя туі, коніка, ядлоўцы, барбарыс, елачка з рознакаляровымі іголкамі, ціс. Ліставыя расліны: вінаград, купалінка, юкка. Сцяну дома абвівае яшчэ адзін від бружмелю. І мноства шматлетнікаў: лілейных, хрызантэм, цюльпанаў, півоняў — ружовых, белых і бардовых — і іншых прыгожых раслін.
Гаспадыня з вялікай любоўю займаецца іх развядзеннем: падкармлівае, палівае, нават, размаўляе з імі. Таму і аддзячваюць ёй расліны буйнай квеценню.
Як сцвярджае Ева Арсеньеўна, кветкі надаюць жыццёвыя сілы. Іншы раз і стамляецца – шмат трэба папрацаваць, даглядаючы кветкі, але калі бачыць гэты чароўны рознакаляровы свет, знікае і стомленасць…
Таццяна МАРЦЬЯНАВА. Фота аўтара
Карта сайта