Зала дзіцячай бібліятэкі была запоўнена чытачамі, актыўнымі ўдзельнікамі літаратурна-паэтычнага клуба “Ветразь”, аматарскага аб’яднання “Журавінка”, дзіцячага экалагічнага клуба “Чамучкі” і іншых аб’яднанняў. Для гасцей працаваў фітабар. Духмяны чай дапаўнялі розныя выпечкі, прыгатаваныя работнікамі бібліятэк і фрукты з іх асабістых садоў. Работнікамі дзіцячай бібліятэкі із бульбы, кабачкоў і іншай гародніны былі выраблены розныя цацкі, нават любімы кніжны герой - Чабурашка, што і даставіла вялікае задавальненне дзецям.
Аб прагнозах на будучае чытачы і госці свята змаглі даведацца на бібліятэчных гаданнях. Прыўзняты настрой атрымалі гледачы на паэтычным канцэрце, які пачаўся з чытання вершаў паэтаў Ігуменшчыны: Генадзя Аўласенкі, Юрыя Бабіча, Ігара Адамовіча, Святланы Адамовіч і іншых. Бібліятэкары правялі прэзентацыю “Бібліятэкар таленавіты ва ўсім”. На суд гледачоў прадставілі вязанае адзенне, зробленую сваімі рукамі біжутэрыю і вышыўку. Цудоўны настрой далі людзям выканаўцы песен Анатоль Смцяпанавіч і Людміла Мікалаеўна Турбалы.
2016 год аб’яўлены Годам культуры, мы яшчэ раз пераканаліся ў тым, што бібліятэка – не толькі скарбніца ведаў і культурных здабыткаў, а яшчэ і месца сустрэчы людзей.
Алена Шульга
Фота Таццяны Малахоўскай
Карта сайта