У рамках дабрачыннай акцыі, якая стартавала ў Мінскай вобласці па ініцыятыве начальніка ўпраўлення па адукацыі, спорце і турызме Мінскага аблвыканкама Таццяны Апраніч «29 добрых спраў» валанцёры ўстаноў адукацыі раёна паказалі дзецям тэатральнае прадстаўленне, разам з імі спявалі, танцавалі. І, вядома ж, падарылі падарункі і добры настрой.
Хлопцы-валанцёры - частыя госці ў цэнтры. На іх рахунку ўжо шмат добрых спраў: кожны іх дзень быў насычаны рознымі мерапрыемствамі.
Таксама да дзяцей у цэнтр прыязджалі валанцёры з дабрачыннай маладзёжнай місіяй «Чыстае сэрца». Маладыя людзі з гэтай дабрачыннай арганізацыі неабыякавыя да таго, што ёсць дзеці-інваліды, што ім неабходная дапамога.
І яны з радасцю яе аказваюць: арганізоўваюць дабрачынныя канцэрты. Творчасць іх шматгранна: яны выступаюць у розных стылях: вакал, рэп, танцы, конкурсы. Яны нясуць дзецям свята.
Кіраўніцтва і выхаванцы цэнтра карэкцыйна-развіваючага навучання і рэабілітацыі дзякуюць навучэнцам сярэдняй школа № 4 г. Чэрвеня, сярэдняй школы № 2 ім. А.К. Флягонтава г. Чэрвеня, гімназіі № 1 ім. В.А. Караля г. Чэрвеня, Лядзенскага дзіцячага сада-сярэдняй школы і Новазеланкоўскага дзіцячага сада-сярэдняй школа Чэрвеньскага раёна.
Святлана Буцавiцкая,
дырэктар Цэнтра карэкцыйна-развіваючага навучання і рэабілітацыі г. Чэрвеня.
Фота аўтара
Карта сайта