Старшакласнікі далучыліся да акцыі «Мы — супраць наркотыкаў», навучэнцы 11 класа правялі гутарку са школьнікамі 5-11 класаў аб шкодзе наркотыкаў, аб цяжкіх наступствах нарказалежнасці. Хлопцы таксама раздалі ўлёткі, якія прапагандуюць адмову ад наркотыкаў і заклікаюць да здаровага ладу жыцця.
У фае школы на 1-м паверсе сіламі навучэнцаў і педагогаў арганізавана выстава «Творчасць супраць наркотыкаў». Настаўнікі і школьнікі праз мастацтва сфармавалі прастору, свабодную ад наркотыкаў.
4 сакавіка на сустрэчу са школьнікамі ў рамках інфармацыйнай гадзіны ў 7-9 класах прыйшлі раённы ўрач-нарколаг Пётр Віннікаў і валеолаг цэнтра гігіены і эпідэміялогіі Святлана Васінцава. Спецыялісты вялі гутарку на тэму «Прафілактыка наркаманіі», распавялі дзецям, аб тым, што такое наркотыкі, як фарміруецца залежнасць, як змяняецца жыццё ў горшы бок у нарказалежных людзей, і якая існуе дапамога тым, хто ўсё-такі не змог сказаць наркотыкам «не». А ў канцы сустрэчы адказалі на пытанні школьнікаў.
Галіна Акбал. Фота Тамары Забаўскай
Карта сайта