А цяпер у сталічнай падземцы праходзяць абкатку чатырохвагонныя цягнікі. У вячэрні час яны курсіруюць ад станцыі "Магілёўскай" да "Каменнай Горкі". Адзначым, што гэта больш прасторныя вагоны, у якіх маецца інфармацыйныя табло, USB-парты для зарадкі, а таксама іх адрознівае плаўнасць ходу і бясшумнасць.
Дарэчы, зараз на заводзе ў Фаніпалі ідзе фінальная зборка апошніх саставаў. Тут жа збіраюць аднапавярховыя цягнікі для Венгрыі, трамваі "Мяцеліца" для Балівіі і спальныя вагоны для Азербайджана. Акрамя таго, у Славенію паставяць электра- і дызельныя саставы. А для нашай краіны распрацоўваюць заказ на 10 цягнікоў міжрэгіянальных бізнес-ліній. Пастаўка першага электрацягніка запланавана на канец гэтага года.
Карта сайта