— У любым рэгіёне нам трэба вызначыць найбольш перспектыўныя населеныя пункты. Гэта тыя, дзе назіраецца прыток насельніцтва, ёсць сацыяльная інфраструктура: садок, школа, ФАП, магчыма амбулаторыя. І вось зыходзячы з гэтых прыярытэтаў развіваць населеныя пункты. Будаваць там жыллё для тых, хто мае патрэбу, прадаваць участкі. Асабліва гэта характэрна для Уздзенскага раёна, які суседнічае з Мінскам. Таксама развіццё аграгарадкоў прадугледжвае асфальтаванне, правядзенне вады і каналізацыі.
На думку Аляксандра Турчына людзей трэба прывязваць да тых населеных пунктаў, дзе ёсць базавая інфраструктура.
— Часам жа мы з аўкцыёну прадаем ўчасткі, дзе няма ніякай інфраструктуры. Зарабляючы пры гэтым не самыя вялізныя грошы. Але калі людзі набываюць дадзеныя ўчасткі — гэта адно. Калі ж яны пабудуюцца, у іх узнікаюць цалкам абгрунтаваныя прэтэнзіі: і якасць дарогі, і асвятленне, і аўтобусныя зносіны. Мы змушаныя марнаваць на гэта рэсурсы, выконваючы абгрунтаваныя патрабаванні нашых грамадзян.
Аляксандр Турчын нагадаў: дзяржавай была рэалізавана не адна праграма развіцця і адраджэння вёскі, немалыя грошы былі ўкладзены ў інфраструктуру.
— Не павінна атрымацца так, што аграгарадок, у які мы ўклалі грошы, пачынае згасаць, а мы ў новым месцы будуем фактычна новы населены пункт. Нам трэба вызначыцца, і перш за ўсё людзям казаць, што ў вось такіх аграгарадках вы можаце завесці дзіця ў сад ці школу, зайсці ў амбулаторыю. Там жа ёсць клуб, калі трэба, пабудуем іншыя неабходныя аб'екты і гэта будзе вельмі камфортнае месца для пражывання, — сказаў на заканчэнне старшыня Мінаблвыканкама.
Карта сайта