"У фінале папулярнага маладзёжнага праекта будуць удзельнічаць 6 сем'яў. Гэта пераможцы абласных тураў, яны будуць спаборнічаць за тытул "Уладар сяла-2019" у творчых і сельскагаспадарчых конкурсах рэспубліканскага фіналу праекта. Традыцыйна мы правядзем у сацыяльных сетках конкурс відэаролікаў на "Лепшы сельскі падворак". Ацэнка інтэрнэт-карыстальнікаў таксама будзе ўлічана журы пры падліку выніковых галасоў. Усе ўдзельнікі рэспубліканскага фіналу атрымаюць узнагароды ад арганізатараў праекта", - распавяла Юлія Зінкевіч.
Упершыню ў праграму фінальных мерапрыемстваў праекта ўключана закладка алеі сямейных дрэў і прэзентацыя праекта БРСМ "ТатаЗал". "Мы плануем прэзентаваць праект у фармаце майстар-класаў з удзелам усіх фіналістаў і знакамітых спартсменаў і паказаць, як можна праводзіць вольны час разам з дзецьмі, пры гэтым культываваць моду на здаровы лад жыцця", - адзначыла сакратар ЦК БРСМ.
Юлія Зінкевіч падкрэсліла, што зараз завяршаюцца абласныя туры конкурсу. 13 верасня Віцебская вобласць выбірае "Уладароў сяла", 20 верасня - Гомельская і Мінская.
Конкурс "Уладар сяла" зарадзіўся ў Глыбоцкім раёне ў маі 2007 года. У 2008-м БРСМ падтрымаў маладзёжную ініцыятыву на рэспубліканскім узроўні. За гэты час конкурс атрымаў пастаянную прапіску ва ўсіх рэгіёнах краіны і рэалізуецца як рэспубліканскі сямейны сельскагаспадарчы праект "Уладар сяла", галоўная мэта якога - садзейнічанне замацаванню маладых сем'яў на вёсцы і папулярызацыя сельскагаспадарчай працы.
"Сёлета "Уладар сяла" ўваходзіць у афіцыйную праграму другога дня рэспубліканскага форуму сельскай моладзі. Гэта добрая магчымасць для ўдзельнікаў форуму пабываць на маладзёжным свяце ў якасці заўзятараў. Адной з умоў з'яўляецца стварэнне фан-клубаў - груп падтрымкі па рэгіянальным прынцыпе, якія змогуць прыўнесці ў свята яркія фарбы", - дадала сакратар ЦК БРСМ.
Арганізатарамі праекта з'яўляюцца Беларускі рэспубліканскі саюз моладзі, Міністэрства сельскай гаспадаркі і харчавання, Міністэрства адукацыі, Беларускі саюз жанчын і Белаграпрамбанк.
Карта сайта