У Іллі (на ніжнім фота, разам з касманаўтам Навіцкім) ёсць выдатны прыклад для пераймання прама ў школе. Гэта Паша Барбук, які ў мінулым сезоне выйграў тэлевіктарыну «Я ведаю!» сярод васьмікласнікаў. Дарэчы, у гэтым годзе Паша ўдзельнічаць у шоў не будзе, бо згодна з правіламі гульні, устаноўленым Белтэлерадыёкампаніяй, удзельнічаць у шоў можна раз у 4 гады.
Ілья займаецца ў аб'яднанні па інтарэсах «Пачамучка» пры СШ №4. Калі ён упершыню пачуў пра інтэлектуальныя гульні і прачытаў у раёнцы пра перамогі каманды з гімназіі, то вырашыў было ўжо пераходзіць у гімназію, каб уступіць у гурток інтэлектуалаў. Мама і дырэктар школы своечасова пераканалі мэтанакіраванае дзіцяці, што сапраўды такі ж гурток ёсць і ў яго роднай школе, таму пераходзіць нікуды не трэба Ілля з радасцю пачаў займацца ў трэнера Ірыны Вабішчэвіч і даволі хутка паказаў выдатныя вынікі. Ён ужо паспеў згуляць на некалькіх сур'ёзных турнірах: «Лыжка Цмокп», «Савяня», «Восень-2019».
Захар Юрчанка (на верхнім фота) вельмі любіць вучыцца і пазнаваць нешта новае, яго захапляюць розныя тэмы, але самая любімая - гісторыя. Любіць творчасць Жуля Верна, можна сказаць, Захар - фанат гэтага пісьменніка.
Тэлевіктарынай «Я ведаю!» Захар зацікавіўся з самага першага выпуску. Ён не прапусціў ніводнай перадачы ў двух сезонах, сам зрабіў сабе кнопку і спрабаваў перагульваць удзельнікаў! Акрамя гэтага, ён двойчы спецыяльна прыходзіў у чацвёртую школу, каб пагутарыць з героем мінулага сезону Паўлам Барбуком і пераняць вопыт гульні на тэлешоў. Нягледзячы на тое, што ў СШ №4 цяпер няма каманды або гуртка па інтэлектуальных гульнях, Захар займаецца сам, пры гэтым яго ва ўсім вельмі падтрымліваюць бацькі.
Спадзяемся, нашы хлопцы годна працягнуць эстафету ведаў і мы пацешымся за іх, седзячы ля экранаў!
Наталля КАРАЛЬКЕВІЧ. Фота з сеткі ВК
Карта сайта