Чэрвеньскі раённы выканаўчы камітэт

Раніцай дэлегацыі вобласці і прадстаўнікоў Слуцкай епархіі сабраліся ў Храме прападобнага Паісія Святагорца.

Затым протаіерэй Ігар Чштэпа, благачынны Слуцкай царкоўнай акругі, правёў аглядную экскурсію па Кафедральнаму сабору святога Арханёла Міхаіла.

Ігумення Анастасія сустрэла ўдзельнікаў форуму ў жаночым манастыры у гонар святой праведнай Сафіі, княгіні Слуцкай і таксама правяла невялікую экскурсію.

У слуцкай СШ №6 некалькі гадоў працуе абласны рэсурсны цэнтр па духоўна-маральнаму выхаванню.

Яго супрацоўнікі падзяліліся вопытам правядзення мерапрыемстваў і акцый.

Гасцей віталі вучні школы з тэатралізаваным экскурсам у старажытную гісторыю горада.

У раённай цэнтральнай бібліятэцы адбылася прэзентацыя сацыяльна-духоўнай праграмы «Дабравест».

Таксама госці з вялікай цікавасцю ацанілі экспанаты выставы «Памяць аб праваслаўным Слуцку» - старадаўнія праваслаўныя кнігі, царкоўныя рэчы, гістарычныя малюнкі і фатаграфіі розных гадоў.

Цэнтральнай падзеяй дня стала сустрэча з біскупам Слуцкім і Салігорскім Антоніем.

На сустрэчу з ім у дзяржаўны каледж прыехалі прадстаўнікі кіраўніцтва райвыканкама.

Біскуп у сваім выступе адзначыў, што подзвіг салдат падчас Вялікай Айчыннай вайны ва ўсе часы будзе ўшанаваны праваслаўнай царквой.

Таксама святар адзначыў, што цяперашняму пакаленню неабходна таксама прывіваць разуменне таго, што абараняць сваю Радзіму - адна з няўхільных запаведзяў і грамадзянскі абавязак кожнага хрысціяніна.

У секцыі «Лепшыя практыкі па працы з моладдзю Слуцкай епархіі» правёў заняткі настаяцель Храма Свяціцеля Мікалая Цудатворца аграгарадка Лядна іерэй Павел Сяргееў.

Ён распавёў пра ініцыяваны епархіяй рух «Жыць здорава», злёце моладзі «Соль зямлі» і дзіцячым лагеры «Святая Русь». Таксама ў гэтай секцыі выступілі іншыя дакладчыкі, падзяліўшыся вопытам работы з моладдзю.

Памочнік благачыннага Слуцкага царкоўнай акругі па маладзёжнай працы Анастасія СТАНКЕВІЧ правяла практычны занятак у секцыі «Фарміраванне духоўна-маральных каштоўнасцяў у моладзі з дапамогай трэнінгу «ЛадныЯ».

Удзельнікі секцыі пазнаёміліся з асновамі трэнерскага мастацтва і працай у малых групах.

Арганізатарамі мерапрыемства ў Слуцку з'яўляліся аддзел ідэалагічнай работы, культуры і па справах моладзі Слуцкага райвыканкама, упраўленне па адукацыі і Слуцкая епархія Беларускай Праваслаўнай Царквы.

Наталля КАРАЛЬКЕВІЧ. Фота аўтар