Па колькасці кальцыя брокалі не саступае нават малаку, а таксама змяшчае сутачную норму вітаміна С! Капуста брокалі неверагодна карысная людзям, якія пакутуюць ад сардэчна-сасудзiстых захворванняў. Аднак для людзей з захворваннямі падстраўнікавай залозы і гастрытам з падвышанай кіслотнасцю гэты від капусты ўжываць не рэкамендуецца.
Такім чынам, рыхтуем: на 2-3 порцыі спатрэбіцца 400 г замарожанай брокалі, соль па гусце, па 2 сталовыя лыжкі расліннага алею, соевага соусу і кунжутнага семені, 2 зубчыка часныку.
У кіпячую падсоленую ваду апускаем брокалі, не размарожваючы. Закіпіць, варым 3 хвіліны. У гэты час на патэльні ў алеі абсмажваем часнык да залацістага колеру, дадаем туды соевы соус. Затым звараную брокалі тушым на патэльні яшчэ 3 хвіліны. Хто любіць вастрэй, можна дадаць яшчэ пару зубчыкаў часныку. Перакладаем гатовую капусту ў талеркі, пасыпаем кунжутам. Можна ўпрыгожыць зелянінай, свежай гароднінай. Смачна есці!
Таццяна Марцьянава. Фота аўтара
Карта сайта