Але, як распавяла нам кіраўнік раённага клуба інтэлектуальных гульняў Ірына Вабішчэвіч, сітуацыя змяняецца: «У мінулым годзе свой першы турнір «Лыжка Цмока» арганізавала суседняе Беразіно, а зусім нядаўна «Кубак Агінскага» правяло Маладзечна. Прычым ён атрымаўся рэспубліканскім, так як акрамя каманд Мінскай вобласці, туды прыехалі школьнікі з Мінска і Полацка. Удзельнікамі турніру сталі «Зорачка» і «Акварыум», каманды нашага клуба».
«Зорачка», як многія ведаюць, амаль уся з гімназіі. «Акварыум» - вельмі разумныя і мілыя хлопцы з Смілавіцкай СШ №2. Смілавіцкі інтэлектуалаў трэніруе Святлана Плахатнюк.
Нягледзячы на стомную дарогу дадому і дрэннае надвор'е, юныя знаўцы абедзвюх каманд вярталіся ў выдатным настроі, таму што везлі з турніра добры настрой, прыемныя ўражанні і заслужаныя ўзнагароды.
Зорачка заваявала срэбра ў «Сваёй гульні» і бронзу ў «Што? Дзе? Калі?», «Акварыум»- бронзу ў «Сваёй гульні» сярод ювяналій (7-9 класы).
Да таго ж за 3 месца ў «Мазгавым штурме» «Зорачцы» ўручылі торт, выраблены кухарамі гасціннай 14-й школы Маладзечна, вельмі прыгожы, свежы і смачны. Ну, а які інтэлектуал не любіць салодкага?
Усім чытачам і падпісчыкам жадаем прыемных уражанняў пасля працоўнага тыдня, не бойцеся дрэннага надвор'я і паспрабуйце парадаваць сябе прысмакамі, адпачынкам, зносінамі з блізкімі ці ж тым, што самі лічыце больш прыдатным. Добрых выхадных!
Наталля КАРАЛЬКЕВІЧ. Фота Святланы Плахатнюк
Карта сайта