Бібліятэкар расказала дзецям, 10 снежня, ва ўсім свеце адзначаецца Дзень правоў чалавека. Менавіта ў гэты дзень у 1948 годзе была абвешчаная Усеагульная Дэкларацыя правоў чалавека, дакумент, у якім прапісаны неад'емныя правы, уласцівыя кожнаму чалавеку, незалежна ад яго паходжання, нацыянальнасці, полу, палітычных перакананняў. Дыяна патлумачыла дзецям, што здольнасць мець свае правы ўзнікае ў дзіцяці з моманту нараджэння, а здольнасць самастойна рэалізаваць свае правы, ці іншымі словамі - дзеяздольнасць - надыходзіць ў чалавека з 18-гадовага ўзросту.
Яна распавяла вучням і пра тое, што кожнае дзіця ў нашай краіне мае свае правы: на матэрыяльнае забеспячэнне з боку сям'і і дзяржавы, якое неабходна для яго паўнацэннага фізічнага і разумовага развіцця, рэалізацыі прыродных схільнасцяў і талентаў, атрымання адукацыі ў адпаведнасці з яго здольнасцямі ў мэтах садзейнічання гарманічнаму развіццю асобы і выхаванню годнага члена грамадства. Аднак, як патлумачыла бібліятэкар, у хлопцаў, акрамя правоў ёсць яшчэ і абавязкі - рэалізаваць гэтыя правы: добра вучыцца, весці сябе годным чынам.
Хлопцы разам з бібліятэкарам разбіралі розныя паводніцкія сітуацыі і як годна з іх выходзіць, удзельнічалі ў гульні-конкурсе - «У гасцях у казкі».
Алена Матвеева, Фота аўтара
Карта сайта