Як распавяла загадчыца сектарам па метадычнай рабоце РЦКiД Вольга Кузюткiна, у конкурсе удзельніц чакае некалькі выпрабаванняў: візітоўка, дэфіле ў вячэрняй сукенцы, таленты і... дэфіле ў касцюме Снягуркі!
«Умовы для удзельніц, прыняты рэспубліканскімі арганізатарамі - рост ад 174, узрост ад 18 да 24 гадоў. Але мы трохі «аслабілі» калянасць рамак, - адзначыла Вольга. - А менавіта - знізілі планку росту: прымаем заяўкі ад дзяўчат ніжэй, чым метр семдзесят чатыры. Таксама трохі павялічылі дапушчальны ўзрост, да 26 гадоў. Так больш людзей зможа паўдзельнічаць. Астатняе - тое, што канкурсанткі павінны быць не замужам і без дзяцей, - захоўваецца. Таксама на целе удзельніцы не павінна быць пірсінгу і татуіровак» .
Конкурс пачнецца раніцай суботы, у 11.00. Заяўкі яшчэ прымаюцца сёння і заўтра. Дзяўчыны, якія жадаюць паспрабаваць сябе на подыуме, але пакуль не адважыліся - смялей! Будзе шмат весялосці, пазітыву і добрыя прызы.
Наталля КОРОЛЬКЕВИЧ. Фота з сеткі ВК.
На фота - конкурс прыгажосці 90 гадоў таму, 1928 год.
Карта сайта