Сам пачатковец музыка пракаментаваў сваё захапленне сціпла: «Пакуль яшчэ так гучна заяўляць - «складае песні», - я б пра сябе не стаў. Я ў сетку усяго толькі адну песню выклаў некалькі дзён назад».
На самай справе ў гэтага захопленага творчасцю маладога чалавека - мноства планаў, якія ўжо паволі пачынаюць ажыццяўляцца. Па-першае, Арцём пазнаёміўся з такім жа перспектыўным і мэтанакіраваным маладым прадзюсерам, вядучым зараз перамовы аб ратацыях на радыё. Па-другое, на гарызонце маячыць магчымасць заключыць кантракт на музычным лэйбле.
Усё гэта адбываецца на фоне ўзмоцненай асноўнай працы: Арцём «цягне» паўтары стаўкі на пасады выратавальніка. «Калі ў гэтым шчыльным графіку знайду час на творчасць, - кажа ён, - і атрымаецца выпускаць хоць бы па адной песні раз у некалькі месяцаў, вось тады можна лічыць, што пачалося нешта сур'ёзнае ў музычным станаўленні!..»
Пакуль усё ідзе добра, і песню Арцёма слухае ўсё больш людзей у Інтэрнэце. Далучыцца да прыхільнікаў творчасці нашага маладога земляка можаце і вы, зайшоўшы на яго акаўнты ў сацсетках. Напрыклад, сюды https://vk.com/susha_artem ці сюды https://www.instagram.com/susha_artem/?hl=ru
«Раённы веснiк» жадае Арцёму поспехаў у творчасці. Спадзяемся, што правы на першыя вялікія інтэрв'ю, калі ён стане зоркай, будуць належаць нам! А калі нават і перадумае пакараць сучасны музычны Алімп - усё роўна рады новаму прыемнаму знаёмству!
Наталля КАРАЛЬКЕВІЧ. Фота аўтара
Карта сайта