Як паведамляе БЕЛТА, Міністр замежных спраў Рэспублікі Беларусь, старшыня Нацыянальнай камісіі па справах ЮНЕСКА Уладзімір Макей у прывітальным слове адзначыў, што ў Беларусі ёсць нямала прыкладаў асоб, якія належаць гістарычнай спадчыне розных краін. «І не трэба дзяліць, прысвойваць і Станіслава Манюшку, і Адама Міцкевіча, і Кастуся Каліноўскага камусьці аднаму. Яны нашы, агульныя, належаць усім нашым краінам», - падкрэсліў міністр.
Удзельнікі мерапрыемства пазнаёміліся з выставай «Станіслаў Манюшка. Падарожжа ў ХІХ стагоддзе» і віртуальным праектам «Станіслаў Манюшка. Музычны рамантык з Міншчыны», падрыхтаваным Нацыянальнай бібліятэкай Беларусі. Творы кампазітара-юбіляра выканалі студэнты Беларускай дзяржаўнай акадэміі музыкі.
Фота з інтэрнэт-сайта mfa.gov.by
Карта сайта