У прафсаюзны камітэт на справаздачна-выбарным сходзе абрана 7 чалавек. Пры прафкаме Чэрвеньскага вузла электрасувязі створаны і працуюць камісіі. Грамадская камісія па ахове працы (тры грамадскія інспектара) ажыццяўляе кантроль за выкананнем заканадаўства аб працы, аб ахове працы, своечасовага забеспячэння работнікаў спецадзеннем, спецабуткам, сродкамі індывідуальнай абароны. З удзелам прафсаюза распрацоўваюцца і зацвярджаюцца інструкцыі па ахове працы для ўсіх прафесій рабочых і на асобныя віды работ. На сэрвісным цэнтры, ёсць пакой прыёму ежы, абсталяваны памяшканні для сушкі спецадзення, маюцца душавыя кабіны і гардэробныя.
За пяць гадоў сумеснай працы прафсаюза і наймальніка вытворчых траўм і прафесійных захворванняў не дапушчана.
Аздараўленне нашых работнікаў і членаў іх сем'яў праходзіла ў прафсаюзным санаторыі «Прыдняпроўскі», санаторыі «Загор'е», а таксама дзіцячым аздараўленчым лагеры «Крынічка», які прызнаны лепшым дзіцячым аздараўленчым лагерам у Рэспубліцы Беларусь. Адпачылі чатыры работнікі і пяцёра дзяцей. Наймальнікам часткова кампенсаваны кошт пуцёвак на аздараўленне. За кошт сродкаў прафсаюзнага бюджэту набыта 62 абанемента, для членаў прафсаюза са зніжкай 50%. Усе члены нашай першаснай прафсаюзнай арганізацыі застрахаваны ў кампаніі «Белэксімгарант», што дазваляе атрымліваць кансультацыі лекараў усіх спецыяльнасцяў, прайсці дыягнастычныя абследавання і рэабілітацыйна-аднаўленчыя лячэнне.
За апошнія гады былі арганізаваны экскурсійныя паездкі ў г.Нясвіж, г.Мiр, г.Магілёў, г. Полацк, Дудуткі і іншыя куткі нашай рэспублікі.
У 2018 годзе наша першасная прафсаюзная арганізацыя ўдзельнічала ў раённым конкурсе на лепшую першасную прафсаюзную арганізацыю, у якім атрымала Дыплом 3 ступені.
Галіна Гамеза. Фота аўтара
Карта сайта