У працы канферэнцыі прынялі ўдзел: Віктар Маліноўскі, старшыня Мінскага абласнога аб'яднання прафсаюзаў; Сяргей Алейнікаў, старшыня Беларускага прафсаюза работнікаў мясцовай прамысловасці і камунальна-бытавых прадпрыемстваў; Мікалай Лойка, старшыня раённага Савета дэпутатаў, Аляксандр Шабалiнскi, пракурор раёна, начальнікі аддзелаў райвыканкама, старшыні раённых арганізацый галіновых прафсаюзаў.
У дакладзе Вольга Барысаўна адзначыла:
- Раённае аб'яднанне прафсаюзаў сёння - гэта 108 першасных прафсаюзных арганізацый 4 раённыя арганізацыі галіновых прафсаюзаў, 5 прафгруп і 5 цэхавых камітэтаў. На тэрыторыі раёна дзейнічаюць 13 галіновых прафсаюзаў, якія ўваходзяць у ФПБ. Агульная колькасць членаў прафсаюзаў складае больш за 8 тысяч чалавек. Ахоп прафсаюзным членствам складае 95,5% ад агульнай колькасці працуючых.
Каардынуючым органам аб'яднання прафсаюзаў з'яўляецца Савет аб'яднання прафсаюзаў. За справаздачны перыяд праведзена 12 пасяджэнняў Савета, 43 пасяджэння прэзідыума Савета, на якіх разгледжана 246 пытанняў, якія тычацца рэалізацыі прафсаюзнымі арганізацыямі раёна рашэнняў вышэйстаячых прафсаюзных органаў ФПБ.
Сацыяльнае партнёрства
У раёне выбудаваная сістэма сацыяльнага партнёрства, у рамках якога заключана і дзейнічае раённае трохбаковае пагадненне паміж выканаўчай уладай, прафсаюзамі і наймальнікамі. Яно падпісана і зарэгістравана ва ўпраўленні па працы, занятасцi i сацыяльнай абароны Чэрвеньскага райвыканкама 16.04.2018г. Змены і дапаўненні ўнесены ў маі бягучага года.
Вынікі выканання раённага Пагаднення разглядаюцца 2 разы на год на пасяджэннях прэзідыума Савета раённага аб'яднання.
Разгляд актуальных праблем на пасяджэнні савета па працоўных і сацыяльных пытаннях з удзелам сацыяльных партнёраў дазволіла надаваць увагу такім праблемных пытаннях як павышэнне заработнай платы ў арганізацыях з яе нізкім узроўнем, неабгрунтаванага масавага скарачэння работнікаў пры рэструктурызацыі арганізацый, падоўжыць тэрміны кантрактаў для работнікаў, якія маюць высокую кваліфікацыю і працяглы стаж працы, у тым ліку спецыялістаў перадпенсійнага ўзросту.
Калектыўна-дагаворная праца
Аб значнасці калектыўнага дагавора (КД) кажа той факт, што ў Працоўным кодэксе ёсць больш за 150 адсылачных норм да яго. Такім чынам, гэта нормы, якія могуць падтрымаць і сацыяльна абараніць жыццё чалавека ў выпадку неабходнасці. На жаль, яшчэ сустракаюцца дагаворы, у якіх не прапісаны гарантыі сацыяльнай абароны, прынятыя на ўзроўні краіны, рэгіёну, галіны. Нават у тых выпадках, калі не патрабуецца вялікіх фінансавых выдаткаў. У раёне 84 арганізацыі маюць калектыўную дамову і на 10 арганізацый распаўсюджваецца КД вышэйстаячай арганiзацыяй. У 14 пяршоўках КД адсутнічае, 3 з іх зноў створаныя, 8 - малалікія. Праца над стварэннем калектыўных дагавораў у названых арганізацыях у далейшым будзе працягнутая.
Пры гэтым ўсяму прафсаюзнаму актыву пастаўлена задача дамагацца таго, каб кожны калектыўны дагавор утрымліваў нормы, замацаваныя ў Генеральным пагадненні. Гэта нормы па абароне асабліва ўразлівых катэгорый работнікаў, гарантыі падаўжэння працоўных адносін, аплата і ахова працы, пытанні, звязаныя з аптымізацыяй колькасці работнікаў, а таксама арганізацыяй сацыяльнага страхавання і пенсійнага забеспячэння, медыцынскага і санаторнага лячэння, адпачынку работнікаў і інш.
Найбольш высокі ўзровень сацыяльнай абароны вызначаны ў калектыўных дагаворах прадпрыемстваў: - раённая бальніца, лясгас, райпо, вузел электрасувязі.
За справаздачны пяцігадовы перыяд наша раённая прафсаюзная сям'я папоўніліся новымі прафарганізацыі у тым ліку і ў прыватным сектары эканомікі. Створана 15 новых першасных прафсаюзных арганізацый.
Рынак працы і занятасць
Увага прафсаюзных арганізацый раёна на працягу справаздачнага перыяду заўсёды была накіравана на ажыццяўленне грамадскага кантролю за своечасовасцю выплаты заработнай платы. Намінальная налічаная сярэднямесячная заработная плата работнікаў арганізацый раёна за студзень - кастрычнік 2019 года склала 844,3 рубля (тэмп росту 114,3%), у тым ліку за кастрычнік - 902,8 рубля (тэмп росту 115,4%). Рэальная заработная плата па раёне павялічылася да ўзроўню студзеня - кастрычніка 2018 года на 8,0%.
У 2019 годзе запазычанасці па выплаце заработнай платы дапушчана не было. Тады, як за 1-е паўгоддзе 2017 гады - запазычанасць мелася на 8 арганізацыях, а за аналагічны перыяд 2016 года ў даўжніках лічылася 49 арганізацый.
Больш падрабязна чытайце ў раённай газеце за 21 снежня.
Галіна Гамеза. Фота аўтара
Карта сайта