Гутарка ішла аб традыцыях суверэннай Беларусі. Прысутныя разам прыводзілі прыклады вялікіх фестываляў, праектаў, конкурсаў, спаборніцтваў, якія праходзяць у нашай рэспубліцы не адзін год і набылі прызнанне і вядомасць не толькі ў Беларусі, але і за яе межамі. Гэта: Калядны турнір аматараў хакея, ўручэнне прэміі «За духоўнае адраджэнне», «Беларускі спартыўны Алімп», рэспубліканская акцыя «Беларусь памятае». Сярод найбольш маштабных ініцыятыў - рэспубліканскі патрыятычны праект «Кветкі Вялікай Перамогі», які аб'ядноўвае сотні тысяч людзей розных прафесій і ўзростаў. Адзіны сімвал праекта - кампазіцыя, якая складаецца з яблыневага колеру і чырвона-зялёнай стужачкі (бутаньерка).
У ходзе акцыі клопатам ахоплены ўсе ветэраны Вялікай Айчыннай вайны. На працягу года праходзіць рамонт і добраўпарадкаванне помнікаў, абеліскаў, брацкіх магіл.
«Рэспубліканскі баль выпускнікоў устаноў вышэйшай адукацыі». Верыць у сябе і ставіць перад сабой высокія і высакародныя мэты - вось што, як правіла, жадае Кіраўнік дзяржавы, напутствуя уваходзячую у самастойнае жыццё моладзь на рэспубліканскім балі выпускнікоў. Вышэйшую адукацыю ў Беларусі атрымліваюць і замежныя студэнты - прадстаўнікі больш чым ста краін. На леташні святочны баль ўпершыню былі запрошаны самыя паспяховыя з замежных студэнтаў.
Свята «Купалле» («Александрыя збірае сяброў»), Міжнародны фестываль мастацтваў «Славянскі базар», Дзень беларускага пісьменства - гэта даўно ўпадабаныя жыхарам Беларусі і гасцям святы. З размахам праходзіць у нашай рэспубліцы ўшанаванне працаўнікоў вёскі і свята ўраджаю «Дажінкі». Першыя рэспубліканскія «Дажынкі» прайшлі ў г. Столін Брэсцкай вобласці. Яны далі другое дыханне, моцны імпульс гэтаму палескаму гораду, раёну, і ўсёй рэспубліцы ў цэлым, яе аграпрамысловаму комплексу. Традыцыя абнаўляць і добраўпарадкоўваць райцэнтры і пасёлкі, рабіць капітальныя рамонты вуліц, дамоў, арганізоўваць грандыёзнае свята ўраджаю пайшла таксама ад першых «Дажынак». З 2018 года аднавілася традыцыя ушаноўваць перадавікоў аграрнай галіны Рэспублікі Беларусь на рэспубліканскім узроўні з правядзеннем ўрачыстага мерапрыемства ў г.Мінску.
Падтрымка таленавітай моладзі. У 1996 годзе ў рэспубліцы створаны спецыяльныя фонды Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў, а таксама спецыяльны фонд Прэзідэнта Рэспублікі Беларусь па падтрымцы таленавітай моладзі.
І адно з самых яркіх кірункаў такой працы на ўзроўні агульнай сярэдняй адукацыі - алімпіядны рух па 18 вучэбных прадметах. Кожны год у ім на розных этапах спрабуюць свае сілы каля 600 тысяч вучняў.
З пераможцаў рэспубліканскай алімпіяды фармуюць каманду, якая прадстаўляе нашу краіну на міжнародным узроўні. У пераможцаў міжнароднага этапу таксама ёсць важкія бонусы: кожны год Мінадукацыі сцвярджае пералік алімпіяд, якія даюць права на паступленне без экзаменаў.
Шмат магчымасцяў праявіць сябе і ў таленавітых студэнтаў. З мэтай прыцягнення ў навуковую сферу таленавітай моладзі Міністэрствам адукацыі штогод праводзіцца рэспубліканскі конкурс навуковых работ студэнтаў.
На сённяшні дзень у банк даных адоранай моладзі ўваходзяць больш за 6 тыс. маладых людзей.
Асаблівая ўвага ў Рэспубліцы Беларусь надаецца маладому пакаленню з рэгіёнаў і, у прыватнасці, выхаванцам невялікіх сельскіх школ. У акцыі бяруць удзел арганізацыі і прадпрыемствы, грамадскія аб'яднанні, рэлігійныя арганізацыі, неабыякавыя грамадзяне.
Пасля заканчэння сустрэчы Наталля Валер'еўна абмеркавала з работнікамі раённага прадстаўніцтва працоўныя моманты, падрабязна спынілася на праблемных пытаннях.
Галіна Гамеза. Фота аўтара
Карта сайта