Ліза ўжо шосты год вучыцца граць на фартэпіяна ў выкладчыка Галіны Прышывалка.
17 студзеня дзяўчына разам са сваім выкладчыкам пабывала на прэстыжным мерапрыемстве: юбілейным, дваццатым, музычна-адукацыйным свяце музыкі ў горадзе Заслаўі.
У рамках фестывалю там штогод праходзіць абласны конкурс юных піяністаў «Заслаускi сшытак», які збірае таленавітых юнакоў з усёй Міншчыны.
Як распавяла Галіна Прышывалка, яны з вучаніцай вырашылі аддаць данiну павагі нашаму земляку, вядомаму беларуска-польскаму кампазітару Станіславу Манюшку: «Ліза грала яго твор «Вальс A-Dur». Мы не памыліліся з выбарам - музыка ураджэнца Чэрвеньшчыны, злучаная з талентам Лізы, прынесла ёй заслужаную ўзнагароду!»
Ліза Лазоўская атрымала дыплом 2 ступені. Адразу пасля абвяшчэння вынікаў і ўручэння ўзнагарод яна з радасцю паведаміла пра свой поспеху дама, сваёй сям'і, а таксама шчыра падзякавала свайму выкладчыку за падтрымку.
Наталля КАРАЛЬКЕВІЧ. Фота Галіны ПРЫШЫВАЛКА
Карта сайта