«Галіновымi прафсаюзамi арганізаваны і праведзены шэраг навучальных мерапрыемстваў па ўжыванні новых нормаў, праведзена тлумачальная праца ў працоўных калектывах. А са студзеня нацыянальны прафцэнтр арганізуе працу гарачых ліній па пытаннях прымянення новай сістэмы аплаты працы», - адзначылі ў прэс-службе.
У нацыянальным прафцэнтры прадстаўнікі галіновых прафсаюзаў работнікаў адукацыі, аховы здароўя, культуры, спорту і турызму, дзяржаўных устаноў сумесна з кіраўніцтвам Міністэрства працы і сацыяльнай абароны абмеркавалі пытанні ўкаранення новай сістэмы аплаты працы работнікаў бюджэтных арганізацый. Пры гэтым асноўную ўвагу прафсаюзы завастрылі на патрабаваннi не дапусціць зніжэння ўзроўню заробку.
Як заявіў Прэзідэнт Беларусі Аляксандр Лукашэнка на нядаўняй сустрэчы са студэнтамі і выкладчыкамі медыцынскіх універсітэтаў, рэфармаванне, мадэрнізацыя сістэмы выплаты заработнай платы бюджэтнікам не павінны яе паменшыць. Гэтую ж пазіцыю адстойвалі і прафсаюзы на этапе распрацоўкі ўсіх дакументаў па новай сістэме аплаты працы.
Па словах удзельнікаў рабочай сустрэчы, папярэднія разлікі паказваюць, што памер зарплаты бюджэтнікаў з увядзеннем новай сістэмы не будзе паніжаны. На гэтыя мэты ў бюджэт закладзена дастаткова сродкаў, больш за тое, фінансаванне шэрагу бюджэтных галін у параўнанні з гэтым годам будзе павялічана. Разам з тым, як адзначаюць спецыялісты прафсаюзаў, даплаты да мінімальнай заработнай платы нізкааплатных катэгорый работнікаў будуць праводзіцца з агульнага планавага фонду аплаты працы. Гэта зніжае магчымасці для павышэння заработнай платы іншых работнікаў арганізацый. У сітуацыі запланаванага росту коштаў на шэраг паслуг, пэўнага падвышэння кошту прадуктаў харчавання прафсаюзы звяртаюць увагу сацыяльных партнёраў на неабходнасць выканання ўзятых у Генеральным пагадненні абавязацельстваў па росце зарплаты.
У прэс-службе адзначылі, што пры распрацоўцы новай сістэмы аплаты прафсаюзы ўносілі свае прапановы. Шэраг з іх улічаны ў выніковых дакументах. У прыватнасці, нацыянальны прафцэнтр абараніў пазіцыю аб неабходнасці ўліку напрацаванага стажу ў бюджэтных арганізацыях (у першапачатковым варыянце прапаноўвалася разлічваць яго з 1 студзеня 2020 года). Для справядлівага падыходу і дыферэнцыяцыі зарплаты ў адпаведнасці з атрыманым адукацыяй, складанасцю і адказнасцю выконваемай работы па прапанове галіновага прафсаюза аховы здароўя была скарэкціравана тарыфная сетка.
Новая сістэма прадугледжвае, што рашэнне аб дадатковым стымуляванні і прэміраванні работнікаў прымае сам наймальнік. Каб выключыць суб'ектыўны падыход, прафсаюзы настойваюць на абавязковым удзеле прафсаюзных камітэтаў арганізацый у размеркаванні стымулюючых і кампенсавальных выплат.
У прафсаюзных арганізацыях Мінскай вобласці і Чэрвеньскага раёна будуць працаваць тэлефоны «гарачай лініі» па пытаннях прымянення новай сістэмы аплаты працы работнікаў бюджэтных арганізацый.
Мінскае абласное аб'яднанне прафсаюзаў - т. 8017 3425523, панядзелак - з 10.00 да 12.00, серада - з 14.00 да 16.00;
Чэрвеньскага раёна аб'яднанне прафсаюзаў - т. 24061, панядзелак - з 10.00 да 12.00, серада - з 14.00 да 16.00;
Мінскі абласны камітэт прафсаюза работнікаў адукацыі і навукі - т.8017 3642616, панядзелак, аўторак, чацвер - з 14.00 да 16.00;
Чэрвеньскі раённы камітэт прафсаюза работнікаў адукацыі і навукі - т.28485, панядзелак, аўторак, чацвер - з 14.00 да 16.00;
Мінская абласная арганізацыя прафсаюза работнікаў аховы здароўя - т. 8017 3234117, аўторак, чацвер - з 10.00 да 12.00, пятніца - з 14.00 да 16.00;
Мінская гарадская арганізацыя прафсаюза работнікаў культуры, інфармацыі, спорту і турызму - т. 8-017 2360940, аўторак - з 14.00 да 16.00, серада, пятніца - з 10.00 да 12.00;
Мінская абласная арганізацыя прафсаюза работнікаў дзяржаўных і іншых устаноў - т. 8017 3176894, панядзелак - з 14.00 да 16.00, серада - з 10.00 да 12.00, пятніца - з 14.00 да 16.00.
Вольга Коцiна, старшыня раённага аб'яднання прафсаюзаў
Карта сайта