Як распавяла «Раеннаму весніку» спецыяліст па кадрах Чэрвеньскага аддзела аховы Ірына Краснагір, падраздзяленне заняло трэцяе месца сярод аддзелаў вобласці па выніках службовай дзейнасці за мінулы год і ўзнагароджана памятным знакам.
Акрамя таго, прадстаўнікі аддзела прызнаны пераможцамі спаборніцтва ў чатырох з дзевятнаццаці намінацый.
Лепшым камандзірам узвода міліцыі стаў старшы лейтэнант міліцыі Уладзімір Ліневіч, лепшым міліцыянерам групы затрымання - прапаршчык міліцыі Іван Якубоўскі, лепшым начальнікам аховы ўчастка - Аляксандр Кот, лепшым кіроўцам групы тылавога забеспячэння - Юрый Раманенка.
Усе заслужаныя ўзнагароды занялі годнае месца ў экспазіцыі Кутка гісторыі аддзела.
Фота Мінскага абласнога ўпраўлення Дэпартамента аховы і Ірыны Краснагір
Карта сайта