Сабралася чатырнаццаць каманд: 8 дарослых, 2 студэнцкіх і 4 школьных. З новенькага было тое, што прыехала каманда мінчан на чале з даўнім сябрам клуба «Ігумен» Ігарам Сячко. Ня мудруючы, яны назваліся «Панаехалі тут, Чэрвень не гумовы!»
Як адзначыла кіраўнік раённага клуба інтэлектуальных гульняў «Ігумен» Ірына Вабішчэвіч, за апошнія гады турнір змяніў форму і змест, але пакінуў недатыкальнымі намінацыі: студэнты, былыя студэнты, будучыя студэнты: «У нас шмат людзей, з самай юнай намінацыі даўно якія выраслі да самай апашняй. А наогул для мяне асабіста гэты турнір як сустрэча выпускнікоў для школьнага настаўніка. Памятаю і люблю ўсіх. Кожны год чакаю сюрпрызаў: раптам на «Таццянін дне» з'явіцца хтосьці старэйшанькi!.. На гэты раз прыемна было бачыць Пашу Хрысценка з першага выпуску клуба, Славу Вярцінскага з другога. Прыехалі і шмат іншых выпускнікоў, аб'ядналіся ў новыя каманды. Быў «Парабелум» трэнера Юрыя Мірановіча, прыўнясучы цёплы ўспамін пра выдатнага чалавека. Мы, вядома, збіраемся пагуляць, перажываем за вынікі. Але галоўнае - у гэтыя некалькі гадзін мы зноў разам. І вечныя сапернікі з Смілавіч для чэрвенцаў ўжо даўно не сапернікі, а хутчэй паплечнікі па барацьбе за веды».
А зараз аб выніках.
У намінацыі «Будучыя студэнты» лепшай школьнай камандай стала «Алімпіяда па грамадстве» (частка «Зорачкі») (12 з 36). На другім месцы «Акварыум» (Смілавічы, 10 з 36), трэція - «Дзеці Еці» (гімназія, 7 з 36).
У намінацыі «Студэнты» лепшай стала каманда «Хіпі цвіль», зборная з нядаўніх выпускнікоў, узмоцненая перспектыўнымі школьнікамі з «Зорачкі». Яны ж сталі і лепшымі ў ЧГК, узялі 29 пытанняў з 36. Другія - каманда «Пуфік» (22 узятых).
У намінацыі «Былыя студэнты» 1 месца - «Дарослыя» з Смілавічах (27 узятых).
2 месца - госці з Мiнска «Панаехалі тут, Червень не гумовы!» (25).
На трэцім месцы - «Вёска» (22). Склад каманды кожны год мяняецца, далучаюцца гульцы розных каманд розных гадоў. Але мы захоўваем назву як даніну нашаму легендарнаму кэпу Юрыю Міронавічу.
Па 20 узятых пытанняў у «Парабелум» і «Чыкага».
Восем лепшых па выніках ЧГК каманд згулялі «Брэйн» па алімпійскай сістэме play off. «Мы ўсе вучыліся патроху», таму не дзіўна, што ў «Брэйн» былі і вельмі дарослыя гульцы, і школьнікі. Але ў выніку досвед «паважаць сябе прымусіў»: перамагла каманда «Дарослыя».
Радасна было бачыць на турніры новыя каманды маладых спецыялістаў: «Forest girls» (лясгас) і «Гарачыя галовы» (медыкі).
Выдатныя кубкі і прызы для ўсіх пераможцаў падалі аддзел ідэалагічнай работы, культуры і па справах моладзі райвыканкама, райкам прафсаюза работнікаў культуры і рэгіянальны прадстаўнік БЛІК па Мінскай вобласці Вадзім Кузміч.
Арганізатары турніру дзякуюць вядучай Лізавеце Грушкiнай і гульнявому журы: Андрэю Грышкiну і Ксеніi Каленік.
Наталля КАРАЛЬКЕВІЧ. фота аўтара
Карта сайта