Удзельнічалі і нашы юныя каратысты з Чэрвеня, выхаванцы Івана САСУНКЕВIЧА. А сёння, у дзень нараджэння сэнсэя, бацькі рабят папрасілі праз газету павіншаваць трэнера.
Марына Бондарава, мама Данііла Бондарава: «Мы перад спаборніцтвамі вельмі перажывалі, сын дома займаўся, вучыў ката. Але я нават не адразу паверыла, што ён заняў першае месца! Гэта было вельмі хвалююча. Пасля спаборніцтваў у яго з'явіўся стымул старацца яшчэ больш.
Віншую нашага сэнсэя з днём нараджэння! Хочацца пажадаць шчасця, здароўя, поспеху ў Вашым жыццi. Каб Вас заўсёды цешыла тое, што ў Вас ужо ёсць, і пры гэтым ніколі не пераставалі ставіць перад сабой новыя жыццёвыя мэты! Хай ўсмешка кожны дзень будзе шчырай ад таго, што ўсё вакол ідзе так, як трэба, як хочацца менавіта Вам! Хай спраўджваюцца ўсе мары, а калі не спраўджваюцца - знаходзіце сілы, каб «збываць» іх самому! Свежага Вам погляду на свет, развівайцеся, радуйцеся жыццю, будзьце шчаслівыя, здаровыя і каханыя!»
Андрэй ЛІЦІНСКІ: «Я бацька Мурашка Ягора. Мой сын удзельнічаў ва ўзроставай катэгорыі «хлопчыкі 6 гадоў 10-9 кю». Ягор заняў 2-месца. Для яго гэты сярэбраны медаль вельмі важны, ён нават спіць з iм! Гэтая першая ўзнагарода, якая дае стымул для далейшых перамог. Рады за яго і ганаруся! Арганізацыя спаборніцтваў была на высокім узроўні, нам вельмі спадабалася. Вялікі дзякуй сэнсэю Івану Аляксандравічу. Ён самы лепшы трэнер! Стаўленне да дзяцей проста супер. Жадаю яму дасягнення ўсіх вяршыняў, і, безумоўна, прывесці нашых дзяцей да новых перамог!»
Алена ЗУБ , мама Арсенія ЗУБА: «Уражанні ад спаборніцтваў найлепшыя! Арсенiй быў рады сваёй перамозе. Мы, бацькі, ганарымся дасягненнямі свайго дзіцяці. Яго перамога дала яму стымул для далейшых трэніровак і перамог у будучыні. Я ўдзячная трэнеру за аддачу ў ходзе трэніровак і ўкладанне часцінкі сябе ў нашых хлопцаў. Вашу праца такая каштоўная і так важная! Няхай Вашы выхаванцы працуюць на вынік і дамагаюцца яго, тым самым цешачы і Вас. Нашы дзеці прысвячаюць сваю перамогу ў гэтых спаборніцтвах Вам, гэта іх падарунак у гонар Вашага свята!»
Святлана Аношка: «Нашаму сыну Мацвею Аношка больш падабаюцца выступы ў ката, чым паядынкі. Таму што ён вельмі добры і перажывае, калі трэба наносіць ўдары суперніку. Ката ён вучыў і на трэніроўках, і дома, з вялікай сур'ёзнасцю і стараннем. І вось дасягнуў добрага выніку! Усё гэта дзякуючы працы трэнера. Нам пашанцавала з Іванам Аляксандравічам! Ён сапраўдны Настаўнік. Як у яго на ўсіх гэтых хлапчукоў хапае цярпення і ўпартасці, каб з імі вынікова займацца!!! Адзначу такую дэталь: наш трэнер сапраўдны прафесіянал, сур'ёзны і заўсёды сабраны. Але ён яшчэ і вельмі прыгожы, прывабны і абаяльны малады чалавек. Ён заўсёды можна апрануты, акуратны, стыльны, сапраўдны джэнтльмен 21-га стагоддзя. Мне б хацелася, каб наш сын Мацвей браў з яго і ў гэтым прыклад, ведаючы, што «быць можна слушным чалавекам, і думаць аб красе пазногцяў». Ад усёй душы віншую нашага выдатнага трэнера Івана Аляксандравіча! Усяго самага найлепшага! Дзякуй Вам за ўклад у выхаванне нашага сына!»
І - пра самі спаборніцтвы. Месца правядзення - Мінск. Спартсмены былі ва ўзросце да 13 гадоў, за ўсё іх сабралася больш за сто чалавек. Хлопцы змагаліся па кругавой сістэме, гэта значыць іх дзялілі на групы, дзе праходзяць паядынкі з кожным удзельнікам. Групы фармаваліся па ўзросце і поясе. Для кожнай групы вызначалася ката, якое спартсмены выконвалі ў паядынках.
Чэрвенцы выступілі вельмі добра, многія занялі пераможныя і прызавыя месцы.
Першыя месцы занялі Арсенiй ЗУБ, Данііл Бондар, Ілля Лапо, Арцём Пузанкоў, Мацвей Аношка.
Другія месцы: Ягор Мурашка і Максім Асановіч.
Трэція месцы: Цімур Шумкоў і Мацвей Семчанка.
Віншуем пераможцаў і трэнера і жадаем Івану Аляксандравічу: «Кожны дзень станавіся больш майстэрскім, чым ты быў за дзень да гэтага, а на наступны дзень - больш майстэрскім, чым сёння».
Наталля КАРАЛЬКЕВІЧ. Фота з сеткі ВК
Карта сайта