Разам са спартсменамі ўпраўлення па адукацыі, спорце і турызме райвыканкама барацьбу за ўзнагароды па кругавой сістэме вялі наймацнейшыя каманды адборачных спаборніцтваў у групах «Б» і «В» — валейбалісты лясгаса і СШ №1 г. п. Смілавічы, а таксама лепшая другая каманда груп па розніцы ліку ў партыях-сельгасфіліял «Новыя Зялёнкі».
Як і падчас папярэдніх гульняў у групе «А», каманда ўпраўлення па адукацыі, спорце і турызме ў фінале перайграла ўсіх сваіх сапернікаў. «Серабро» заваявалі прадстаўнікі СШ №1 г. п. Смілавічы, «бронзу» - лясгас.
Кубкі і медалі пераможцам і прызёрам турніру ўручыла намеснік старшыні райвыканкама Ала Шахоцька.
Лепшым гульцом спаборніцтваў стаў валейбаліст каманды-пераможцы Аляксандр Няпеўны. Прызы «Раённага весніка» - падпіску на газету - атрымалі лепшыя гульцы каманд: Андрэй Марозаў (упраўленне па адукацыі, спорту і турызму), Павел Ярашэвіч (СШ №1 г.п. Смілавічы) і Аляксандр Крылоў (лясгас).
Ігар Адамовіч. фота аўтара
Карта сайта