Многія з іх яшчэ спяць днём і ходзяць з выпаўшымi малочнымі зубамі. Гэта дашкольнікі з дзіцячага саду і самыя малодшыя школьнікі, якія ўдзельнічалі ў фестывалі «Я - даследчык».
У чарговы такой сустрэчы ўдзельнічалі будучыя свяцілы беларускай навукі Кацярына Трыгубовіч (яслі-сад №1), Эвеліна Аносава (яслі-сад №2 г.п.Смілавічы), Ганна Шыдлоўская (Запольская школа), Арцём Рылінскі, Ксенія Бабіч і Лізавета Галоўчанка з Смілавіцкай СШ №2.
На сустрэчу прыйшлі таксама бацькі дзетак і педагогі. Хлопчыкі і дзяўчынкі выступілі з дакладамі аб сваіх даследаваннях, паказаўшы, што навука - вельмі важны і цікавы складнік ў жыцці кожнага чалавека. Хлопцы - прыклад таго, што не толькі ў дарослым узросце можна вывучаць фундаментальныя рэчы і паняцці, але і быўшы зусім малым, можна дамагчыся вялікіх вынікаў у даследаванні навакольнага свету.
Як адзначыла намеснік дырэктара па выхаваўчай рабоце Смілавіцкай СШ №2 Наталля Чэрнік, «ўдзел у падобных конкурсах - выдатная стартавая пляцоўка для далейшага росту юных даследчыкаў. І хто ведае - можа быць, менавіта сярод іх расце будучы лаўрэат Нобелеўскай прэміі або аўтар вялікага адкрыцця, якое перагарне жыццё чалавецтва!..»
Удзельнікаў мерапрыемства павітаў дырэктар школы Вячаслаў Марціновіч. У сваім выступе ён падкрэсліў, што самая вялікая перамога прыйдзе да таго, хто ўмее атрымліваць над сабой перамогі няхай маленькія, непрыкметныя для іншых, але пастаянныя і вядучыя толькі наперад.
Наталля КАРАЛЬКЕВІЧ. Фота Наталлі Чэрнік
Карта сайта