Дзіяна вучыцца ў Чэрвеньскім прафесійным будаўнічым ліцэі. Яна актыўны ўдзельнік маладзёжнага абаронна-спартыўнага клуба «Патрыёт» і не раз выступала на розных мерапрыемствах, якія праходзілі з удзелам клуба. Яе чысты голас і праніклівае выкананне заўсёды выклікаюць шчырыя эмоцыі слухачоў. На тэлефестывалі дзяўчына выконвала песню «Каханне доўгаю ў жыццё».
Станіслаў - вучань другой Смілавіцкай школы. Для яго сцэна таксама справа звыклая, ён пастаянны ўдзельнік розных мерапрыемстваў, канцэртаў і дабрачынных акцый. Учора гледачы і журы Дома афіцэраў пачулі ў яго выкананні кампазіцыю «Дзякуй, нашы прадзеды».
Усяго ў фінал тэлефестывалю трапілі больш за семдзесят вакалістаў з усёй краіны. Нашы хлопцы выступалі ў намінацыі «Выканаўцы армейскай песні», узроставая катэгорыя — «да 16 гадоў». І Дыяна, і Стас выступілі годна. Яны ўзнагароджаны граматамі ад Міністэрства Узброеных Сіл Рэспублікі Беларусь.
Першы сакратар райкама БРСМ Павел КЛЫНДЗЮК адзначыў, што магчымасць удзельнічаць у гэтым праекце, выступіць на вялікай сцэне, прадэманстраваць свой талент з'явілася дзякуючы паспяховаму ўзаемадзеянню ваеннага камісарыята Чэрвеньскага і Бярэзінскага раёнаў і Чэрвеньскага райкама БРСМ.
Наталля КАРАЛЬКЕВІЧ. Фота Паўла КЛЫНДЗЮКА
Карта сайта