У ім прынялі ўдзел і пераможцы раённага этапу конкурсу, вядучыя: Фёдар Кацiнёў, вучань СШ №2 г.п.Смілавічы, Карына Свірыдовіч, вучаніца Хутарской СШ і дуэт вядучых з Раваніцкай СШ у складзе: вучаніцы Дар'і Кішко і педагога Мікалая Талкачова.
Конкурс праходзіў па наступных намінацыях: «Лепшы вядучы», «Лепшая вядучая», «Лепшы дуэт вядучых» у пяці ўзроставых катэгорыях: 6-10 гадоў, 11-14 гадоў, 15 гадоў - 21 год, педагогі са стажам працы менш 10 гадоў і педагогі са стажам больш за 10 гадоў.
Шмат таленавітых хлопчыкаў і дзяўчынак сабралася на абласным конкурсе. На працягу 4,5 гадзін хлопцы і педагогі здзіўлялі членаў журы сваімі навыкамі быць вядучымі, працаваць у дуэце. Яны прадэманстравалі здольнасць валодаць аўдыторыяй, спявалі песні, чыталі вершы.
Прадстаўнікі Чэрвеньскага раёна выступілі годна: Дыплом ІІІ ступені галоўнага ўпраўлення па адукацыі Мінскага аблвыканкама заваяваў Фёдар Кацiнёў ў намінацыі «Лепшы вядучы». Такога ж Дыплома ўдастоены і дуэт з Раваніцкай школы: Дар'я Кішко і Мікалай Талкачоў ў намінацыі «Лепшы дуэт вядучых».
Віншуем пераможцаў!
Святлана Аношка, загадчык сектара адукацыі ўпраўлення па адукацыі, спорту і турызму Чэрвеньскага райвыканкама.
Фота аўтара
Карта сайта