У сувязі з вялікай колькасцю пажараў і гібеллю людзей у першы месяц новага года (у Рэспубліцы адбылося 453 пажары, 88 чалавек загінулі, у Мінскай вобласці – 112 пажараў, 22 чалавекі загінула, 7 - траўмавана) Міністэрства па надзвычайных сітуацыях у чарговы раз разгарнула маштабную прафілактычную працу з насельніцтвам з наведваннем домаўладанняў, арганізацый, прадпрыемстваў. 4 лютага першы намеснік начальніка Чэрвеньскага аддзела па надзвычайных сітуацыях Павел Купрацэвіч з гутаркамі аб бяспечным пражыванні і паводзінах у побыце пабываў у працоўных калектывах ТАА «Валевачы», Валевацкага сельвыканкама, санаторыя «Волма».
Людзей расчулілі і ўразілі кадры відэафільма, створанага супрацоўнікамі МНС пра наступствы пагарды мерамі бяспекі, аб безразважлiвых паводзінах бацькоў, у выніку чаго гінуць дзеці. Павел Сяргеевіч таксама праверыў бяспечны стан домаўладанняў дзвюх сем'яў, дзе пражываюць маленькія дзеці.
Галіна Гамеза. Фота аўтара
Карта сайта