Пагадненне ад імя бакоў падпісалі Міністр працы і сацыяльнай абароны Рэспублікі Беларусь Касцевіч І.А. і Старшыня Рэспубліканскага камітэта Беларускага прафесійнага саюза работнікаў дзяржаўных і іншых устаноў Халява С.Ф.
Па рашэнні бакоў галіновае пагадненне на чарговы трохгадовы перыяд распаўсюджвае сваё дзеянне на ўсіх работнікаў - членаў прафсаюза і наймальнікаў цэнтральнага апарата Мінпрацы і сацабароны; камітэтаў па працы, занятасцi i сацыяльнай абароне аблвыканкамаў і Мінскага гарвыканкама; тэрытарыяльных органаў Дэпартамента дзяржаўнай інспекцыі працы і Фонду сацыяльнай абароны насельніцтва; падпарадкаваных Міністэрству дзяржаўных арганізацый; устаноў сацыяльнага абслугоўвання, якія ажыццяўляюць стацыянарнае сацыяльнае абслугоўванне; тэрытарыяльных цэнтраў сацыяльнага абслугоўвання насельніцтва; цэнтраў сацыяльнага абслугоўвання сям'і і дзяцей; упраўленняў па працы, занятасцi i сацыяльнай абароне гаррайвыканкамаў.
У пагадненні знайшлі адлюстраванне дасягнутыя бакамі дамоўленасці па аплаце працы і жыццёвым узроўні работнікаў, ахове працы, умовам працы і адпачынку, а таксама гарантыі занятасці і дамоўленасці ў частцы пытанняў сацыяльнага партнёрства.
У мэтах садзейнічання рэалізацыі працоўных і сацыяльна-эканамічных інтарэсаў работнікаў, прадастаўлення ім больш ільготных умоў у параўнанні з заканадаўствам, умацавання працоўнай дысцыпліны і павышэння адказнасці работнікаў у частцы пытанняў аховы працы бакi выказалі шэраг палажэнняў, рэкамендуемых для ўключэння ў калектыўныя дагаворы. Сярод іх - палажэнні аб ўжыванні гнуткіх сістэм аплаты працы, гнуткіх формаў занятасці; аб прадастаўленні матэрыяльнай дапамогі і выплаце выхадной дапамогі, дапамогі на аздараўленне; аб гарантыях кіраўнікам прафсаюзных органаў і прафсаюзным работнікам; аб прадастаўленні штомесячнай грашовай дапамогі маладым спецыялістам, накіраваным на працу па-за пастаяннага месца жыхарства, у мэтах кампенсацыі выдаткаў за наём жылля; аб праве наймальніка заключаць з работнікам (з яго згоды), добрасумленна прапрацаваўшым у арганізацыі не менш за пяць гадоў, пасля заканчэння тэрміну дзеяння кантракта працоўны дагавор на нявызначаны тэрмін; аб прымяненні мер заахвочвання і матэрыяльнага стымулявання работнікаў за выкананне патрабаванняў па ахове працы; аб выдзяленні сродкаў на фінансаванне мерапрыемстваў па ахове працы і санаторна-курортнае лячэнне работнікаў; аб прадастаўленні сацыяльнага водпуску (не больш за 90 дзён) без захавання заработнай платы ў выпадку неабходнасці сыходу за хворым членам сям'і; аб дадатковых мерах сацыяльнай падтрымкі раней працаваўшых ў арганізацыі ветэранаў працы; аб маральным і матэрыяльным заахвочванні працаўнікоў за ўдзел у культурна-масавых і спартыўных мерапрыемствах; аб стварэнні ўмоў для забеспячэння работнікаў гарачым харчаваннем; аб эканоміі ўсіх відаў энергарэсурсаў; аб развіцці ў арганізацыях інстытута настаўніцтва; аб усталяванні выпадкаў абмежаванай матэрыяльнай адказнасці работнікаў за шкоду, прычыненую наймальніку, і шэраг іншых.
Пагадненне служыць асновай для заключэння калектыўных дагавораў у падпадаючыя пад яго сферу дзеяння арганізацыях.
Калектыўныя дагаворы могуць утрымліваць дадатковыя і больш ільготныя у параўнанні з Пагадненнем працоўныя і сацыяльна-эканамічныя гарантыі ў адпаведнасці з заканадаўствам.
Кантроль за ходам выканання Пагаднення ажыццяўляе Галіновы савет па працоўных і сацыяльных пытаннях.
Карта сайта