Мэтай правядзення прафілактычных мерапрыемстваў з'яўляецца папярэджанне пажараў і гібелі людзей ад іх. Асаблівая ўвага будзе надавацца адзінокім і адзінока пражываючым пажылым грамадзянам, інвалідам, шматдзетным сем'ям, сем'ям, дзе непаўналетнія знаходзяцца ў сацыяльна небяспечным становішчы, а таксама асобам, якія злоўжываюць спіртнымі напоямі, якія вядуць асацыяльны лад жыцця. Пра тое, як абараніць свой дом ад агню, зберагчы родных і блізкіх, захаваць сваё здароўе, з грамадзянамі будуць казаць не толькі па месцы іх пражывання, але і на сельскіх сходах, пры сустрэчах з працоўнымі калектывамі, на бацькоўскіх сходах.
У прафілактычнай працы разам з работнікамі МНС будуць задзейнічаны прадстаўнікі органаў улады, органаў унутраных спраў, аховы здароўя, адукацыі, сацыяльнай абароны. Да правядзення тлумачальных гутарак актыўна падключацца прадстаўнікі грамадскіх арганізацый і пазаштатных пажарных фарміраванняў.
Будзе прадоўжана работа па размяшчэнні інфармацыі пра бяспеку на таварах народнага спажывання, наглядна-выяўленчай прадукцыі ў месцах масавага знаходжання людзей.
Карта сайта