Вучні 7-11 класаў павіталі ваеннага камісара Чэрвеньскага і Бярэзінскага раёнаў Дзмітрыя Сініцкага, старшыню раённай арганізацыі ветэранаў вайны ў Афганістане Віктара Казачонка, воіна-інтэрнацыяналіста, жыхара г. п. Смілавічы Юрыя Смаленскага і першага сакратара райкама БРСМ Паўла Клындзюка.
Хлопцы паглядзелі дакументальны фільм, складзены з фатаграфій з армейскага альбома воіна-інтэрнацыяналіста Віктара Казачонка, якія суправаджаюцца песнямі ўдзельнікаў афганскай вайны. Моўчкі ўзіраліся хлопчыкі і дзяўчынкі ў асобы васемнаццацігадовых хлопцаў, так раптам пасталелых, са зброяй у руках. Пасля аповеду Віктара Анатольевіча пра падрабязнасці прызыву, першага рэйду на чужую зямлю, пра сяброў-аднапалчан, пра мужнасць і адвагу учорашніх школьнікаў, з залы пасыпаліся пытанні. Адчувалася, што хлопцаў зачапілі падрабязнасці невядомай вайны з вуснаў яе ўдзельніка. Пытанні былі, можа, дзесьці і дзіцячыя, наіўныя, але закраналі думкі, пачуцці людзей. «А як вы звязваліся з бацькамі?», «Ці было вам страшна?» «Як адпачывалі?», «Чым харчаваліся?», «Колькі на самой справе было гадоў салдатам?», «Ці ведалі бацькі, дзе служаць дзеці?» і іншыя.
Падрабязнасці сустрэчы школьнікаў з воінамі-інтэрнацыяналістамі чытайце ў бліжэйшым нумары газеты.
Галіна Гамеза. фота аўтара
Карта сайта