Хлопцы дамагліся поспеху ў плаванні і лёгкай атлетыцы, прычым былі сярод медалёў і даволі рэдкія, напрыклад, за кіданне дзіды.
У такім не моцна распаўсюджаным выглядзе, як кіданне дзіды, на першынстве вобласці не было роўных нашай лёгкаатлетцы Валерыі Качан. Яна паднялася на вышэйшую прыступку п'едэстала.
Выдатна выступілі на чэмпіянаце Мінскай вобласці Алена Логінава і Таццяна Дзянько. Лена заняла два першыя месцы: у бегу на 60 метраў з бар'ерамі і ў скачках у вышыню. Таня перамагла ў бегу на 200 метраў.
Бярэзінская СДЮШАР да Дня ратавальнікі арганізаваў адкрытае першынство па плаванні. Адразу дзесяць медалёў прывезлі адтуль нашы чэрвеньскія «залатыя рыбкі»!
Аляксандра КЕДЗІЧ вызначылася двойчы: яна заняла другое месца на дыстанцыях 50 і 100 метраў вольным стылем. Карына ЧАРНАВЕЦ 50 метраў вольным стылем праплыла з трэцім вынікам. Валерыя Вяснянка хутчэй за ўсіх саперніц свайго ўзросту пераадолела вольным стылем 25 метраў.
Выдатна выступілі нашы плыўцы-хлопцы. Іван Няхай і Глеб Пенкрат занялі першыя месцы. Іван плыў 25 метраў вольным стылем, Глеб — 50. Ігар Бандаровіч і Ілля Галіноўскі сталі другімі, Ігар на дыстанцыі 50 метраў, Ілля - на 25.
Максім Асановіч і Мікіта Данчанка падняліся на трэція прыступкі пастамента. Максіму «бронзу» прынесла дыстанцыя 50 метраў вольным стылем, Мікіту - 25 метраў.
Наталля КАРАЛЬКЕВІЧ.
Фота Святланы КУРЬЯНЧЫК і Ліліі ПФЕЙФЕР
Карта сайта