У форме «Адкрытага дыялогу» хлопцы пад кіраўніцтвам кіраўніка клуба Паўла КЛЫНДЗЮКА абмеркавалі бліжэйшыя планы.
Большасць удзельнікаў вырашылі, што паедуць на «Забег сапраўдных мужчын» 23 лютага. Многія прымуць удзел таксама і ў абласным мерапрыемстве «Дзень беларусскай мовы».
Ужо пачалася падрыхтоўка да 75-годдзя Перамогі. Хлопцы прапанавалі некалькі ідэй для будучых патрыятычных акцый, ушанавання ветэранаў.
Актыўна ідзе падрыхтоўка да спартовых спаборніцтваў, у прыватнасці, нашы цяжкаатлеты рыхтуюцца да турніраў па сілавых відах спорту ў сакавіку і красавіку. Павел КЛЫНДЗЮК запрошаны на міжнародны турнір у Расію.
«Патрыёт» прааналізаваў мерапрыемствы, якія прайшлі з пачатку года, такія, як «Урокі мужнасці» і іншыя акцыі да Дня памяці воінаў-інтэрнацыяналістаў. Для новых удзельнікаў клуба была праведзена невялікая экскурсія па міні-музею «Патрыёта», размешчанага на базе клуба ў інтэрнаце будаўнічага ліцэя.
Наталля КАРАЛЬКЕВІЧ. Фота Паўла КЛЫНДЗЮКА
Карта сайта