Не стала выключэннем і акцыя «Бяспека ў кожны дом», арганізаваная сумесна з Чэрвенскім раённым аддзелам па надзвычайных сітуацыях.
У рамках мерапрыемства ў Смілавіцкім гарпасялковым доме культуры з 13 па 20 лютага прайшоў Тыдзень Бяспекі, дзе ўсе жадаючыя змаглі паўдзельнічаць у конкурсе малюнкаў «Ведае кожны: бяспека - гэта важна!», наведаць выставу кніг - «Падарожжа ў краіну Бяспекі», арганізаваную Смілавіцкай гарпасялковай бібліятэкай, прыняць удзел у гульнявой праграме «Вучымся жыць у бяспецы».
Вынікі ўсіх праведзеных мерапрыемстваў былі падведзены 20 лютага ў амфітэатры г.п.Смілавічы, дзе адбылося і ўрачыстае ўзнагароджанне пераможцаў. Так, запрошаны на сцэну намеснік начальніка Чэрвеньскага РАНС Батура Аляксей Уладзіміравіч, спачатку паведаў аб правілах бяспечнай эксплуатацыі пячнога і газавага абсталявання, электрасетак і электраабсталявання, неасцярожнасці пры абыходжанні з агнём, затым уручыў дыпломы і памятныя падарункі ўсім камандам і актыўным удзельнікам акцыі. А салісты і гурткоўцы Дома культуры парадавалі ўсіх прысутных сваімі музычнымі і харэаграфічнымі нумарамі.
Завяршылася мерапрыемства флешмобом «Мы за бяспеку», пасля якога кожны жадаючы мог наведаць паказ пажарнай аварыйна-выратавальнай тэхнікі, дзе супрацоўнікі ПАВЧ-2 г.п.Смілавічы ў даступнай форме расказалі дзецям пра прыладу і прызначэнні пажарнай тэхнікі.
Спадзяемся, што правядзенне падобных мерапрыемстваў у нашым пасёлку стане добрай традыцыяй для таго, каб кожны дзень у нашым доме быў спакойным і бяспечным.
Загадчык Смілавіцкага Дома культуры М.А.Кацiнёва
Карта сайта