Турнір «Кубак Чынука» праходзіў 22-23 лютага ў сталіцы Беларусі. У ім сумесна са зборнай клуба «Кік Файтэр» удзельнічалі байцы чэрвеньскага «Светагора». Клуб «Светогоръ» з'яўляецца філіялам сусветна вядомага «Кік Файтэра», якім кіруе Яўген ДАБРАТВОРСКІ.
У першы дзень спаборніцтваў выступалі малодшыя спартсмены ад 6 да 14 гадоў. У іх ліку было трое «светагорцаў»: Яўген Грыбкоў, Яраслаў Мініч і Данііл Немцаў.
Жэня Грыбкоў прыязджае на трэніроўкі ў Чэрвень з Любiшына. На «Кубку Чынука» гэты ўпарты і мэтанакіраваны юны баксёр правёў свой першы афіцыйны бой. У смелай і сумленнай барацьбе ён саступіў суперніку і заняў другое месца.
Яраслаў Мініч таксама правёў свой першы ў жыцці бой. Яму трапіўся больш дасведчаны супернік, але Яраслаў паказаў усе свае ўменні, смеласць і байцоўскі характар, саступіў па ачках і заняў другое месца.
Данііл Нямцоў таксама правёў добры бой і заняў трэцяе месца.
Непасрэдна ў свята 23 лютага змагалася старэйшая група спартсменаў ад 16 гадоў і старэй. Усе баі апынуліся пераможнымі і многія былі выйграны датэрмінова.
Вось якія вынікі паказалі нашы землякі: Вячаслаў Лаўрыновіч - першае месца, Вольга Жураўская - 1 месца, Дзмітрый Трапашко - 1-е месца, Арцём Абрагімавіч (Новыя Зялёнкі) - першае месца. Усяго, сумесна з клубам «Кік Файтэр», падапечныя Яўгена Георгіевіча заваявалі 25 медалёў!
Спаборніцтвы ў «Кубку Чынука» сталі адпраўной кропкай падрыхтоўкі старэйшых спартсменаў да чэмпіянату рэспублікі па тайскім боксе. Ён адбудзецца 25-28 сакавіка. А малодшыя хлопцы пачынаюць падрыхтоўку да міжнароднага турніру «Стайкі-open».
Наталля КАРАЛЬКЕВІЧ. Фота Вольгі Жураўскай
Карта сайта