Стартаваўшы у 2020 годзе ў Мінскай вобласці пілотны праект па прафілактыцы неінфекцыйных захворванняў, выяўленні і карэкцыі фактараў рызыкі, кантролі за ўзроўнем артэрыяльнага ціску і цукру ў крыві на прадпрыемствах і ў арганізацыях у бягучым годзе атрымае працяг.
- Улічваючы выніковасць пілотнага праекта, акцыя будзе працягнута ў 2020 годзе, - праінфармавалі ў аддзеле грамадскага здароўя Мінскага абласнога цэнтра гігіены, эпідэміялогіі і грамадскага здароўя. - Да цяперашняга часу вызначана 32 прадпрыемствы з агульнай колькасцю 13 478 чалавек, плануецца выезд абласных спецыялістаў для правядзення медыцынскіх аглядаў, лабараторных і дыягнастычных абследаванняў, а таксама інфармацыйна-асветніцкай працы.
У 2019 года ў прафілактычным праекце ўдзельнічалі 26 прадпрыемстваў розных формаў уласнасці і відаў дзейнасці з розных раёнаў, былі задзейнічаны работнікі адміністрацыі гэтых прадпрыемстваў, прыцягнуты спецыялісты санітарна-эпідэміялагічнай службы і ўстаноў аховы здароўя вобласці.
- З мэтай ранняй дыягностыкі і своечасовага пачатку лячэння арганізаваны і праведзены медыцынскія агляды 9416 работнікаў, выкананы лабараторныя і дыягнастычныя, у тым ліку ультрагукавыя абследаваннi, з імі праведзена анкетаванне і інфармацыйна-асветніцкая праца
У ходзе рэалізацыі праекту ў 1012 чалавек, якія лічылі сябе здаровымі, упершыню выяўлены 621 выпадак хвароб сістэмы кровазвароту, 85 - цукровага дыябету і 13 - анкалагічных захворванняў. У 1565 асоб ўпершыню выяўленыя адхіленні ў стане здароўя, з якіх 151 выпадак высокага ўтрымання глюкозы ў крыві, 811 выпадкаў павышанага ўзроўню халестэрыну ў крыві, у 61 работніка павышаны ўзровень прастатычнага спецыфічнага антыгена (падазрэнне на рак прадсталёвай залозы), зафіксавана 25 выпадкаў перавышэння ўтрымання онкамаркераў у крыві. У ходзе акцыі пры вымярэнні артэрыяльнага ціску спецыялісты 1470 раз адзначылі адхіленне ад нормы. Неадкладная медыцынская дапамога была аказана 21 ўдзельніку праекта, у тым ліку з шпіталізацыяй.
У рамках мерапрыемстваў па стварэнні здароўезберагальнага асяроддзя былі таксама праведзены лабараторныя даследаванні фактараў вытворчага асяроддзя і маніторынг вытворчых памяшканняў у частцы выканання ўмоў працы
Карта сайта