Хлопцы распавялі аб праграмах, з якімі яны балатуюцца ў маладзёжны прадстаўнічы орган, адукацыйных і валанцёрскіх праектах. Зараз іх задача - надаць ім афіцыйны статус, ўцягнуць як мага больш маладых людзей, пашырыць геаграфію праводзiмых мерапрыемстваў.
«Маладзёжны парламент - гэта добрая магчымасць паспрабаваць свае сілы як у палітыцы, так і ў валанцёрскім руху», - сказаў Іван Маркевіч.
Ён дадаў, што Мiнскі аблвыканкам і раённыя выканаўчыя камітэты будуць працягваць супрацоўніцтва з маладымі палітыкамі, падзякаваў рабятам за праводзімую работу і пажадаў усім кандыдатам паспяховага старту ў іх кар'еры.
Удзельнік сустрэчы педагог дадатковай адукацыі цэнтра творчасці дзяцей і моладзі Барысаўскага раёна Арцём Шапавалаў распавёў, што ён з'яўляецца трэнерам у галіне нефармальнай адукацыі і куратарам клуба ЮНЕСКА. Іван Маркевіч адзначыў, што гэты вопыт працы неабходна пераносіць і на іншыя раёны.
Мастацкі кіраўнік народнага аматарскага калектыву сямейнага ансамбля «Жывіца» Борскага сельскага дома культуры ў Пухавіцкім раёне Юрый Крываршэй распавёў пра свае планы па працы ў парламенце. Юрый займае актыўную грамадзянскую пазіцыю, з'яўляецца членам Беларускага саюза музычных дзеячаў, лаўрэатам і пераможцам абласных, рэспубліканскіх і міжнародных фестываляў і конкурсаў, магістрам менеджменту.
Завяршаючы сустрэчу з моладдзю, Іван Маркевіч адзначыў, што дыялог будучых дэпутатаў з выканаўчай уладай вобласці будзе і надалей такім жа адкрытым.
Маладзёжны парламент пры Нацыянальным сходзе Беларусі пачне працу ўжо вясной. Ад кожнага рэгіёну ў ім будзе прадстаўлена па 10 маладых людзей - самыя годныя прадстаўнікі моладзі, якіх вылучылі абласныя Саветы і Мінскі гарадскі Саветы дэпутатаў.
Члены Маладзёжнага парламента змогуць удзельнічаць у пасяджэннях сесіі Палаты прадстаўнікоў, працаваць з дэпутатамі ў акругах, ўносіць свае прапановы пры стварэнні законапраектаў.
Крыніца Аўтар Ларыса Коршун
Карта сайта